ახლა არჩევნებისთვის მომზადების დრო არ არის, უკრაინა ოკუპანტებთან ბრძოლაზე უნდა კონცენტრირდეს,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც სახელმწიფოს მეთაურმა ტრადიციულ ვიდეომიმართვაში აღნიშნა, "ამა თუ იმ პოლიტიკური დავის" გადაჭრაზე სახელმწიფო სტრუქტურებმა უნდა იზრუნონ.

„ყველას გვესმის, რომ ახლა, ომის დროს, როდესაც ამდენი გამოწვევაა, აბსოლუტურად უპასუხისმგებლოა არჩევნების თემის საზოგადოებაში ასე უაზროდ და თამაშით გავრცელება. 

მე ველოდები ყველა შესაბამისი სტრუქტურისა და თანამდებობის პირისგან კონკრეტულ პასუხებს იმ ამოცანებთან დაკავშირებით, რაც გვაქვს, რომელიც ახლა ობიექტურად ჩვენი სახელმწიფოს წინაშე დგას. ეს ეხება სამოქალაქო ხელისუფლებას, სახელმწიფოს სამხედრო ელემენტებს, უკრაინის უმაღლეს რადას, უკრაინის უშიშროების სამსახურსა და სხვა სამართალდამცავ უწყებებს. 

მე მჯერა, რომ ახლა არ არის არჩევნების დრო. და თუ თქვენ გჭირდებათ, ბოლო მოუღოთ ამა თუ იმ პოლიტიკურ დავას და გააგრძელოთ მუშაობა ერთად, მაშინ სახელმწიფოში არის სტრუქტურები, რომლებსაც შეუძლიათ, ბოლო მოუღონ ამას და მივცეთ საზოგადოებას ყველა საჭირო პასუხი, რათა ადგილი არ დარჩეს კონფლიქტებისა და სხვისი თამაშისთვის უკრაინის წინააღმდეგ.

ჩემი პირადი დამოკიდებულება და მოწოდებაა, ვიზრუნოთ ჩვენს ქვეყანაზე ისევე, როგორც 24 თებერვალს; დავიცვათ იგი, გავანადგუროთ ოკუპანტი, ვიბრძოლოთ უკრაინის თავისუფლებისთვის, რომელიც ახლა მოიპოვება უკრაინისთვის ბრძოლებში“,- განაცხადა ზელენსკიმ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს