უკრაინის 128-ე ცალკეული მოიერიშე ბრიგადის პირადი შემადგენლობის თავშეყრის ადგილის დაბომბვის გამო უკრაინის უმაღლესი მთავარსარდლობის  წარმომადგენლობით სხდომაზე, ტრაგედიის დეტალების გარკვევისას ცნობილი გახდა, რომ ბრიგადის მეთაურმა პირადი შემადგენლობის მოწყობა ბრძანა, რათა სახელობითი დაჯილდოება ჩაეტარებინა, თავად კი ცერემონიალზე არ გამოცხადდა. ხაზზე მოწყობილი სამხედროები მას ნახევარ საათზე მეტხანს ელოდნენ, რა დროსაც მტრის დრონმა კოორდინატების კორექტირება მოახდინა, მონაცემები საარტილერიო ნაწილს გადასცა და თავშეყრის ადგილი დაიბომბა, რის შედეგადაც 19 ადამიანი დაიღუპა, ათეულობით კი - დაიჭრა.

წარმომადგენლობითმა სხდომამ დღეს მიიღო გადაწყვეტილება ბრიგადის მეთაურის თანამდებობიდან გადაყენების შესახებ, მომხდართან დაკავშირებით კი გამოძიება გრძელდება.

3 ნოემბერს რუსული სარაკეტო თავდასხმის შედეგად დაიღუპა 128-ე ცალკეული სამთო თავდასხმის ტრანსკარპატების ბრიგადის 19 ჯარისკაცი, ნათქვამია უკრაინის ქვედანაყოფის განცხადებაში.

ბრიგადის განცხადებაში ასევე ნათქვამია, რომ შემთხვევის გარემოებები  ზუსტდება.

როგორც ადრე გახდა ცნობილი, უკრაინელი სამხედროები შეიკრიბნენ და დაჯილდოების ცერემონიალზე განლაგდნენ ზაპოროჟიეს რაიონის სოფელ ფრონტზე, სარაკეტო ძალებისა და არტილერიის დღის აღსანიშნავად - ამ დროს დასახლებაზე რუსეთის საოკუპაციო არმიამ მიიტანა დარტყმა.

დაღუპულთა რიცხვი მანამდე ოფიციალურად არ იყო ცნობილი. უკრაინის შეიარაღებული ძალების სტრატეგიული კომუნიკაციების ცენტრმა მხოლოდ მიუთითა, რომ თავდასხმა განხორციელდა ისკანდერ-მ რაკეტით, „რის შედეგადაც დაიღუპა სამხედრო მოსამსახურეები და დაშავდნენ ადგილობრივი მოსახლეობაც სხვადასხვა ხარისხის სიმძიმით“.

რუსი სამხედრო ბლოგერები ადრე წერდნენ, რომ თავდასხმა განხორციელდა სოფელ დიმიტროვოზე, რომელიც მდებარეობს ფრონტის ხაზიდან დაახლოებით 20 კილომეტრში. მათი ვერსიით, დაახლოებით 50 ჯარისკაცი შეიძლებოდა დაღუპულიყო.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს