კოორდინებული მუშაობით ჩვენ შევძელით ინფლაციის მაჩვენებელი სამიზნეს ქვემოთ შეგვენარჩუნებინა - წლიურმა საშუალო ინფლაციამ 0.8 % შეადგინა,  რაც მიზნობრივ  3 პროცენტიან ნიშნულს მნიშვნელოვნად ჩამოცდება და ეს დადებითი ფაქტორია ჩვენი ქვეყნის როგორც ეკონომიკური სტაბილურობისთვის, ასევე მომავალი მნიშვნელოვანი ეკონომიკური გადაწყვეტილებებისთვის, - ამის შესახებ ვიცე-პრემიერმა, ეკონიმიკის მინისტრმა, ლევან დავითაშვილმა განაცხადა.
 
დავითაშვილის თქმით, ხელისუფლებისთვის ყველაზე მნიშვნელოვანია, რომ მოსახლეობისთვის ფასები არ გაიზარდოს.
 
„ყველაზე დიდი გამოწვევა, რაც გასულ წელს გვქონდა, ზუსტად ინფლაციასთან ბრძოლა იყო.  მიუხედავად იმისა, რომ გვქონდა ძალიან მაღალი ეკონომიკური ზრდა, მაღალი ინფლაცია იყო მთავარი პრობლემა და მის დასაძლევად დიდი ძალისხმევა დასჭირდათ სახელმწიფო უწყებებს, მთავრობის ეკონომიკურ გუნდს და გვაქვს ეს შედეგები", - აღნიშნა მინისტრმა.
 
მისი თქმით, ინფლაცია სხვა ქვეყნებში რჩება  გამოწვევად, ბევრ ქვეყანაში ჯერ კიდევ ორნიშნა ინფლაციაა და საკმაოდ მკაცრია ასევე მათი მონეტარული პოლიტიკა, მაგალითად,  მეზობელ სახელმწიფოში, თურქეთში, 60 % ს აღემატება ინფლაცია.
 
„ასე  რომ, ჩვენთვის ინფლაციის არსებული მაჩვენებლები კარგი წინაპირობებია იმისთვის, რომ ოპტიმისტური პროგნოზები გვქონდეს 2024 წლისთვის ეკონომიკაში", - აღნიშნა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება