2023-11-06 15:47:26, 1057 ნახვა
სამართალი
პატიმრების გაქცევის საქმეზე დაკავებულ საბადრაგო ჯგუფის წევრს აღკვეთის ღონისძიების სახით პატიმრობა შეეფარდა
თბილისის საქალაქო სასამართლომ "ავერსის" კლინიკიდან პატიმრების გაქცევის საქმეზე დაკავებულ საბადრაგო ჯგუფის წევრს, რევაზ იასაშვილს აღკვეთის ღონისძიების სახით პატიმრობა შეუფარდა.
გადაწყვეტილება მოსამართლემ ცოტა ხნის წინ მიიღო.
აღსანიშნავია, რომ ამავე საქმეზე პატიმრობა აქვს ასევე შეფარდებული საბადრაგო ჯგუფის უფროსს, ივერი ნატროშვილსაც.
შეგახსენებთ, "ავერსის" კლინიკიდან 3 პატიმარი 1-ელ ნოემბერს გაიქცა. 2 ნოემბერს, სამივე გაქცეული დააკავეს.
ავტორი: ექსპრესნიუსი,
epn.ge (@expressnews.ge)
