2023-10-30 11:44:16, 746 ნახვა
სამართალი
გორის მუნიციპალიტეტში მოსწავლის მიმართ მუქარის ფაქტზე გამოძიება დაიწყო
გორის მუნიციპალიტეტის ერთ-ერთი სოფლის საჯარო სკოლის მე-5 კლასის მოსწავლე გოგონამ მუქარის წერილი მიიღო.
აღნიშნულ ინფორმაციას ადასტურებენ გორის საგანმანათლებლო რესურსცენტრში.
"წერილი დახვდა მეხუთეკლასელ ბავშვს მერხთან. წერილით სთხოვდნენ ფულს და წერილი შეიცავდა მუქარასაც. სკოლას ჰქონდა სათანადო რეაგირება, მიმართა პოლიციას და ამჯერად მიმდინარეობს გამოძიება. ხელნაწერი იყო, შესაბამისად, არ გაუჭირდება გამოძიებას დადგენა",- უთხრა გორის საგანმანათლებლო რესურსცენტრის დირექტორმა, ნანა ტერმაკოზაშვილმა მედიის წარმომადგენლებს.
როგორ "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება 151-ე მუხლით დაიწყო, რაც მუქარას გულისხმობს.
ავტორი: ექსპრესნიუსი,
epn.ge (@expressnews.ge)
