შეერთებულ შტატებს აქვს ინფორმაცია, რომ რუსი სამხედროები სიკვდილით სჯიან თავის ჯარისკაცებს, რომლებიც უარს ამბობენ უკრაინელთა პოზიციებს შეუტიონ ავდეევკაში - განაცხადა  ჯონ კირბიმ, აშშ-ს ეროვნული უსაფრთხოების  საბჭოს სტრატეგიული კომუნიკაციების კოორდინატორმა.
 "ჩვენ გვაქვს ინფორმაცია, რომ რუსეთის არმიის სამხედრო მეთაურობა  სიკვდილით სჯის  იმ ჯარისკაცებს, რომლებიც უარს ამბობენ ბრძანებების შესრულებაზე-  სამხდრო ხელმძღვანელობა რიგით მებრძოლებს ემუქრება, რომ დახვრეტენ  მთელ ქვედანაყოფს,  თუ ისინი შეეცდებიან უკან დახევას უკრაინული საარტილერიო ცეცხლის ქვეშ", - აღნიშნა  კირბიმ საგანგებო ბრიფინგზე.

მისი თქმით, რუსების დანაკარგებმა ავდეევკაში გადააჭარბა უგლედარში განადგურებული ოკუპანტების ჯავშანტექნიკისა და ცოცხალი ძალის რაოდენობას. 

 კირბიმ აღნიშნა, რომ 11 ოქტომბრიდან დღემდე რუსეთის ფედერაციამ ავდეევკაში განადგურებულების სახით სულ მცირე ჯავშანტექნიკის ( ტანკი; ქვეითთა საბრძოლო მანქანა; ჯავშანტრანსპორტიორი)  125 ერთეული დაკარგა. 

 კირბის თქმით, რუსეთის ფედერაციას ჯერ კიდევ გააჩნია „შეტევითი შესაძლებლობები“ და მომდევნო თვეებში  სხვადასხვა მიმართულებებზე  შესაძლოა  მიაღწიოს  გარკვეულ ტაქტიკურ გარღვევებს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს