ამერიკის შეერთებული შტატების თავდაცვის მდივანი ლოიდ ოსტინი ისრაელში ჩავიდა. აღნიშნულის შესახებ ინფორმაციას The Associated Press-ი ავრცელებს.

გამოცემის ცნობით, მოსალოდნელია, ოსტინის შეხვედრები ისრაელის პრემიერ-მინისტრ ბენიამინ ნეთანიაჰუსთან, თავდაცვის მინისტრ იოავ გალანტთან და ისრაელის სამხედრო კაბინეტის წევრებთან.

"ოსტინი თელ-ავივში ჩავიდა, რათა შეხვედროდა მთავრობის ლიდერებს და ენახა ამერიკული იარაღისა და უსაფრთხოების დახმარების ნაწილი, რომელიც ვაშინგტონმა ომის პირველ კვირაში ისრაელის მებრძოლებს მიაწოდა",- წერს The Associated Press-ი.

შეგახსენებთ, ლოიდ ოსტინი გახდა აშშ-ის მეორე მაღალჩინოსანი, რომელიც ისრაელს ტერორისტული დაჯგუფება "ჰამასის" თავდასხმის შემდეგ ეწვია. ოსტინამდე ისრაელს სახელმწიფო მდივანი ენტონი ბლინკენი სტუმრობდა.

აღსანიშნავია, დღეს, 13 ოქტომბერს ისრაელში ევროკომისიისა და ევროპარლამენტის პრეზიდენტები, ურსულა ფონ დერ ლაიენი და რობერტა მეცოლაც ჩავლენ.

მანამდე 11 ოქტომბერს, ისრაელში დიდი ბრიტანეთის საგარეო საქმეთა მინისტრი ჯეიმს კლევერლი იმყოფებოდა. 

ისრაელში ჩასვლის სურვილი გამოთქვა უკრაინის პრეზიდენტმა, ვოლოდიმირ ზელენსკიმაც.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times