2023-10-13 10:45:39, 857 ნახვა
მსოფლიო
IDF - ღაზას სექტორში 750 სამიზნეზე ავიაიერიშები განხორციელდა
ისრაელის თავდაცვის ძალების (IDF) ცნობით, 13 ოქტომბრის ღამეს, ღაზას სექტორში "ჰამასისა" და სხვა ტერორისტული დაჯგუფებების კუთვნილ 750 სამიზნეზე ავიაიერიშები განხორციელდა. ამის შესახებ ინფორმაციას The Times of Israel ავრცელებს.
IDF-ში აცხადებენ, რომ სამიზნეებს შორის "ჰამასთან" დაკავშირებული 12 მრავალსართულიანი კოშკი იყო.
თავდაცვის ძალების ინფორმაციითვე, სამიზნეებს შორის იყო ასევე მიწისქვეშა გვირაბები, იარაღის შესანახი საწყობები, საკომუნიკაციო ოთახები, უფროსი ტერორისტების რეზიდენციები და ა.შ.
ავტორი: ექსპრესნიუსი,
epn.ge (@expressnews.ge)
