2023-09-28 18:07:34, 766 ნახვა
პოლიტიკა
Edison Research - 50%-ის აზრით, საქართველო კანდიდატის სტატუსს მიიღებს, 50%-ის აზრით - ვერ
Edison Research-მა საზოგადოებრივი აზრის გამოკითხვა ჩაატარა. გამოკითხვის შედეგებით, რომელსაც ტელეკომპანია "ფორმულა" ავრცელებს მოსახლეობის 50% თვლის, რომ 2023 წლის ოქტომბერში საქართველო კანდიდატის სტატუსს ვერ მიიღებს.
გამოკითხულთა 50% მიიჩნევს, რომ საქართველო ოქტომბერში კანდიდატის სტატუსს მიიღებს.
Edison Research-მა საზოგადოებრივი აზრის გამოკითხვა ტელეკომპანია "ფორმულას" დაკვეთით ჩაატარა.
კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი.
ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 7 სექტემბრიდან 24 სექტემბრის პერიოდში.
ავტორი: ექსპრესნიუსი,
epn.ge (@expressnews.ge)
