დროებით ოკუპირებულ დონეცკში რუსმა ოკუპანტებმა სამხედრო ცენზურა და კომენდანტის საათი დააწესეს.

შესაბამის განკარგულებას ხელი ოკუპირებული დონეცკის ე.წ. ხელმძღვანელმა, დენის პუშილინმა მოაწერა.

განკარგულების მიხედვით, რეგიონში კომენდანტის საათი სამუშაო დღეებში 23:00 საათიდან 04:00 საათამდე იმოქმედებს.

ახალი განკარგულებით, იკრძალება მიტინგების, დემონსტრაციების, მარშების, პიკეტებისა და გაფიცვების მოწყობა. ე.წ. სახალხო რესპუბლიკის შესაბამისი უწყებებისაგან თანხმობის გარეშე, იზღუდება ნებისმიერი სახის მასობრივი შეკრების უფლებაც. ამასთან, დაწესდა სამხედრო ცენზურა, რომელსაც მოსახლეობის სატელეფონო ზარები, შეტყობინებები და საფოსტო გზავნილები ექვემდებარება.

დოკუმენტის მიხედვით, ე.წ. რესპუბლიკა გააძლიერებს საზოგადოებრივი წესრიგის დაცვას, ასევე სამხედრო, მნიშვნელოვანი სამთავრობო, ინფრასტრუქტურისა და სატრანსპორტო ობიექტების დაცვას.

გარდა ამისა, რეგიონში დაიწყო მოგზაურობის აკრძალვა თანამდებობის პირებისთვის, სახელმწიფო მოხელეებისა და ყოფილი სამხედროებისთვის (გასვლის ნებართვა უნდა მიიღოთ ერთი თვით ადრე).

ასევე დააწესდა კომუნიკაციის სპეციალური რეჟიმი მეზობელ რეგიონებთან. რეგიონის ე.წ. საზღვრებზე კი, „ფილტრაციისა და საკონტროლო პუნქტები“ დამონტაჟდება. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს