უმრავლესობას მინდა მივმართო - რას უკრავთ ტაშს?! - რას უკრავთ ტაშს, რომ 30-ზე მეტი ადამიანი დაგვეღუპა?- ამის შესახებ "ლელო - საქართველოსთვის" დეპუტატმა, სალომე სამადაშვილმა შოვში მომხდარ სტიქიურ უბედურებასთან დაკავშირებით განაცხადა.

როგორც სამადაშვილმა პარლამენტის პლენარულ სხდომაზე, სადაც შინაგან საქმეთა მინისტრ ვახტანგ გომელაურს ინტერპელაციის წესით უსმენენ, აღნიშნა, შოვში სტიქიური უბედურების თავიდან ასაცილებლად "ყველაფერი არ იყო გაკეთებული".

"როდესაც გვესაუბრებით, რომ კლიმატური ცვლილებების ბრალია ეს ტრაგედია და ასეთი ტრაგედიები კიდევ იქნება, მე იცით, რისი მოსმენა მაინტერესებს? - რის გაკეთებას აპირებთ მათ შორის მომავალში და რა შეიძლებოდა სხვანაირად გაკეთებულიყო, რომ ჩვენ დანაწევრებული ბავშვები ცოცხლად დამარხული არ ამოგვყავდეს მიწიდან, რისი გაკეთება შეიძლებოდა ამისთვის, ამას უნდა გვიყვებოდეთ თქვენ აქ, საკუთარ თავს კი არ უნდა ულოცავდეთ, რომ ყველაფერი გააკეთეთ იმიტომ, რომ არ არის ყველაფერი გაკეთებული",- მიმართა სამადაშვილმა გომელაურს.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე