უკრაინასთან მარცვლეულის ირგვლივ დავა უკრაინელი ოლიგარქების ინტერესებს ეხება, რომლებსაც პოლონეთის ტერიტორიაზე მარცვლეულის გაყიდვა სურთ, - ამის შესახებ პოლონეთის თავდაცვის მინისტრმა, მარიუშ ბლაშჩაკმა განაცხადა.

ბლაშჩაკის თქმით, პოლონეთს სურს ჰყავდეს დამოუკიდებელი უკრაინა თავის სამეზობლოში და არა რუსეთის ნაწილი, თუმცა აღნიშნავს, რომ პოლონეთმა "უნდა იზრუნოს პოლონელი ფერმერების ინტერესებზე".

"უკრაინასთან დავა ეხება უკრაინელი ოლიგარქების ინტერესებს. უკრაინელ ოლიგარქებს სურთ მარცვლეულის გაყიდვა პოლონეთის ტერიტორიაზე. ჩვენ ვიცავთ პოლონელ ფერმერებს და შემიძლია დაგარწმუნოთ, რომ სანამ მმართველი პარტია ხელისუფლებაში იქნება, ჩვენ ვიქნებით თანმიმდევრულნი.თავდასხმების მიუხედავად, ჩვენ ვხელმძღვანელობთ პოლონელი ფერმერების ინტერესებით", - განაცხადა ბლაშჩაკმა.

შეგახსენებთ, დღეს ცნობილი გახდა, რომ უკრაინის აგრარული პოლიტიკისა და სურსათის მინისტრმა, მიკოლა სოლსკიმ პოლონელ კოლეგასთან, რობერტ ტელუსთან ერთად, მარცვლეულთან დაკავშირებულ პრობლემაზე ისაუბრა და კომპრომისის მოსაძებნად მუშაობაზე შეთანხმდა. 

გაზაფხულზე, ევროკავშირის რამდენიმე ქვეყანამ, მათ შორის პოლონეთმა, უკრაინული მარცვლეულის იმპორტი დროებით აკრძალა.

16 სექტემბერს, ევროკომისიამ უკრაინიდან მარცვლეულის იმპორტზე დაწესებული ემბარგო არ გაახანგრძლივა, თუმცა პოლონეთმა შეზღუდვები არ მოხსნა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times