2023-09-21 13:04:18, 670 ნახვა
პოლიტიკა
პარლამენტის პლენარულ სხდომაზე ხმაურია [ვიდეო]
საქართველოს პარლამენტის პლენარულ სხდომაზე ხმაურია. სესიაზე, სადაც რამდენიმე კანონპროექტს განიხილავენ, ოპოზიციონერი დეპუტატები, მათ შორის თინა ბოკუჩავა, ხათუნა სამნიძე, რომან გოცირიძე, სალომე სამადაშვილი ცდილობდნენ, კითხვები ეროვნულ ბანკსა და ამერიკის შეერთებული შტატების მიერ დასანქცირებულ ყოფილ მთავარ პროკურორთან, ოთარ ფარცხალაძესთან დაკავშირებით დაესვათ.
დეპუტატებს პარლამენტის თავმჯდომარემ, შალვა პაპუაშვილმა მიკროფონი გამოურთო და განსახილველ საკითხებთან დაკავშირებული კითხვების დასმისკენ მოუწოდა.
აღნიშნულს ხათუნა სამნიძესა და "ქართული ოცნების" წარმომადგენელს, მამუკა მდინარაძეს შორის სიტყვიერი შელაპარაკება მოჰყვა, რის შემდეგაც პარლამენტის თავმჯდომარემ ოპოზიონერი დეპუტატი სასესიო დარბაზიდან გააძევა.
ავტორი: ექსპრესნიუსი,
epn.ge (@expressnews.ge)
