2023-09-20 14:21:38, 636 ნახვა
პოლიტიკა
ოპოზიციონერმა ქალმა დეპუტატებმა წულუკიანის გამოსვლისას ტრიბუნასთან საპროტესტო პლაკატი გაშალეს [ვიდეო]
პარლამენტში კულტურისა და სპორტის მინისტრის, თეა წულუკიანის გამოსვლის დროს ოპოზიციონერმა ქალმა დეპუტატებმა, თინა ბოკუჩავამ, სალომე სამადაშვილმა, ხათუნა სამნიძემ და თამარ კორძაიამ ტრიბუნასთან ბანერი, წარწერით - Русский военный корабль, иди на х.. გაშალეს.
ბანერი "ქართული ოცნების" დეპუტატმა, ირაკლი ზარქუამ ჩამოგლიჯა, წულუკიანმა კი, დეპუტატებს ასე მიმართა:
„მოგესალმებით ქალბატონებო. გაშალეთ პლაკატი, მე გავაგრძელებ. მთავარია, არ დაიღალოთ“.
პარლამენტის თავმჯდომარემ, შალვა პაპუაშვილმა ოპოზიციონერებს დარბაზიდან გასვლისკენ მოუწოდა. დეპუტატებს დარბაზი მანდატურების სამსახურის წარმომადგენლებმა დაატოვებინეს.
აღნიშნულის შემდეგ პაპუაშვილმა სხდომაზე ტექნიკური შესვენება გამოაცხადა.
ავტორი: ექსპრესნიუსი,
epn.ge (@expressnews.ge)
