2023-09-18 14:18:03, 391 ნახვა
პოლიტიკა
ხაბეიშვილი - „რიგითი“ ფარცხალაძის გადასარჩენად რუსეთის ჯაშუშები ამოქმედდნენ და დაადასტურეს, რომ რუსული გავლენის ქვეშ არის სუს-იც
![]() "რიგითი" ფარცხალაძის გადასარჩენად რუსეთის ჯაშუშები ამოქმედდნენ და დაადასტურეს, რომ ფარცხალაძის, ანუ რუსული “ფეესბეს” გავლენის ქვეშ არის სახელმწიფო უსაფრთხოების სამსახურიც,- ასე ეხმაურება „ერთიანი ნაციონალური მოძრაობის“ თავმჯდომარე ლევან ხაბეიშვილი სუს-ის ინფორმაციას, რომლის მიხედვითაც, გარკვეული ჯგუფი ოქტომბერ-დეკემბერში არეულობას და დესტაბილიზაციას გეგმავს. როგორც ხაბეიშვილი სოციალურ ქსელში წერს, სახელმწიფო უსაფრთხოების სამსახურის დღევანდელი განცხადება ადასტურებს, რომ "ჯაშუშების პირთა წრე ბევრად დიდია, ვიდრე ვინმეს წარმოუდგენია". "კიდევ ერთი რუსეთის ჯაშუშის, გრიგოლ ლილუაშვილის - სუს-ის განცხადება სახელმწიფო გადატრიალებაზე, არის დასტური რუსული გავლენების სახელმწიფო დაწესებულებებში. ამ განცხადებით ირკვევა, რომ ჯაშუშების პირთა წრე ბევრად დიდია, ვიდრე ვინმეს წარმოუდგენია",- აცხადებს ხაბეიშვილი. შეგახსენებთ, დღეს, 18 სექტემბერს სახელმწიფო უსაფრთხოების სამსახურმა გაავრცელა განცხადება, სადაც ნათქვამია, რომ ხელისუფლების ძალადობრივი გზით შეცვლის მიზნით, გარკვეული ჯგუფი ოქტომბერ-დეკემბერში არეულობას და დესტაბილიზაციას გეგმავს. სუს-ის მტკიცებით, გეგმის ავტორები საქართველოს ყოფილი შინაგან საქმეთა მინისტრის, ვანო მერაბიშვილის მოადგილე და ამჟამად უკრაინის სამხედრო დაზვერვის ხელმძღვანელის მოადგილე გიორგი ლორთქიფანიძე, მესამე პრეზიდენტ მიხეილ სააკაშვილის დაცვის ყოფილი წევრი მიხეილ ბატურინი და უკრაინაში მოქმედი „ქართული ლეგიონის“ მეთაური მამუკა მამულაშვილი არიან.
უკრაინის მოკავშირეები ზეწოლას ახორციელებენ სამ ქვეყანაზე, რათა გამკაცრდეს ნავთობის სანქციები რუსეთის წინააღმდეგ
3 დეკემბერი შეზღუდული შესაძლებლობის მქონე პირთა საერთაშორისო დღეა.
საგარეჯოში მომხდარი განზრახ მკვლელობისა და მკვლელობის მცდელობის ფაქტებზე ბრალდებულს პატიმრობა შეეფარდა
Reuters - „მოსადმა“ კატარში ზავის აღდგენის შესახებ მოლაპარაკებები გამართა
|
ომი უკრაინაში![]() ზელენსკი - ვაანალიზებთ ყველა შესაძლო სცენარს 2024 წლისთვის, ცვლილებები საჭიროა
![]() უკრაინის საჰაერო ძალები - რუსების მიერ გაშვებული მართვადი რაკეტა და 10 დრონი გავანადგურეთ
![]() უკრაინის გენშტაბი - საომარი მოქმედებების დაწყებიდან დღემდე, უკრაინაში 331 110-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|