"ევროპული საქართველოს" თავმჯდომარე გიგა ბოკერია, აშშ-ს მიერ ოთარ ფარცხალაძის დასანქცირებას გამოეხმაურა და აღნიშნა, რომ თავისუფალი სამყარო ყოველთვის ავიწროებს სტრუქტურებს, ადამიანებს, ვინც ეხმარება პუტინის ბოროტების იმპერიას.

ბოკერიას თქმით, პრობლებაა, რომ საქართველოს საერთაშორისო ასპარეზზე  ასეთი ხალხი წარმოადგენს.

"ანუ ჩვენ ეს ხელისუფლება გვყავს და სანამ ჩვენ ეს ხელისუფლება გვყავს, ჩვენს ისტორიულ ამოცანას, რომ თავისუფლების სამშვიდობოს გავიდეთ, ნატოს წევრი გავხდეთ, თავისუფალ სამყაროში დავბრუნდეთ და ვიყოთ დაცულები, ვერ მივაღწევთ. ჩვენი ვალდებულებაა, რომ ეს რეჟიმი დემოკრატიულად შევცვალოთ, წინააღმდეგ შემთხვევაში, მარტოებს დაგვტოვებს ეს რეჟიმი პირისპირ რუსულ საფრთხესთან, იმიტომ რომ ასეთი ხალხი წარმოადგენს დღეს საქართველოს საერთაშორისო ასპარეზზე, ვინც ამ სანქციების ქვეშ მოექცა", - განაცხადა გიგა ბოკერიამ.

ცნობისთვის, ამერიკის შეერთებული შტატების ხაზინის დეპარტამენტმა 150-ზე მეტ კომპანიასა და პირს სანქციები დაუწესა. მათ შორისაა, საქართველოს ყოფილი გენერალური პროკურორი ოთარ ფარცხალაძე.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე