ჩვენ განსაკუთრებით მოველით პროგრესს დეოლიგარქიზაციასთან, სასამართლო სისტემის რეფორმასა და მედიის თავისუფლებასთან დაკავშირებით,- ამის შესახებ ევროკავშირის ელჩმა, პაველ ჰერჩინსკიმ განაცხადა.

ჰერჩინსკის თქმით, ევროკომისიამ ივნისის ბოლოს დაადგინა, რომ სრულად შესრულებულია მხოლოდ 3 რეკომენდაცია.

"ივნისში იყო ზეპირი მოხსენება და როგორც იცით, ევროკომისიამ ივნისის ბოლოს დაადგინა, რომ სრულად შესრულებულია მხოლოდ 3 რეკომენდაცია. მას შემდეგ გავიდა საკმარისი დრო, გარკვეული პროგრესი არის და შემდეგი შეფასება იქნება ზუსტად 1 თვეში. ამიტომ, იმედი მაქვს, რომ მუშაობა უფრო ინტენსიური გახდება და უფრო მეტი პროგრესი იქნება დეკემბრამდე, როდესაც გადაწყვეტილება უნდა იქნას მიღებული.

ყველა პრიორიტეტი თანაბრად მნიშვნელოვანია, მაგრამ როგორც თქვენ ევროკავშირის უმაღლესი წარმომადგენლისგან, ჯოზეფ ბორელისგან მოისმინეთ, ჩვენ განსაკუთრებით მოველით პროგრესს დეოლიგარქიზაციასთან დაკავშირებით, სასამართლო სისტემის რეფორმაზე, მედიის თავისუფლებასთან დაკავშირებით და ზოგადად, რაც შეიძლება მეტ პროგრესს ყველა ფრონტზე",- განაცხადა ჰერჩინსკიმ.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე