პარლამენტის თავმჯდომარე, შალვა პაპუაშვილი OC Media-ს სტატიას გამოეხმაურა.

შალვა პაპუაშვილი უარყოფს, რომ OC Media-ს დონორებთან კომუნიკაციით, მან "ზეწოლა ან მედიის დასჯა" სცადა, ის ადასტურებს მათთან კომუნიკაციას, თუმცა ამას "დონორების ინფორმირებას" უწოდებს.

''12 სექტემბრის თქვენს სარედაქციო სტატიაში თქვენ დამადანაშაულეთ, აშკარა მცდელობაში გავლენა მომეხდინა ან დამესაჯა გამოცემა აზრის გამოქვეყნებაზე უარის თქმის გამო. ამას სიმართლესთან არაფერი აქვს საერთო და მინდა განვმარტო, რატომ არის თქვენი განცხადებები პრობლემური თქვენივე დეკლარირებული პრინციპებისა და ღირებულებების თვალსაზრისით. უფრო მეტიც, თქვენ არასწორად წარმოაჩინეთ ჩემი კომუნიკაცია თქვენს დონორებთან, რომელიც გულისხმობდა არა გავლენის მოხდენას ან დასჯას, აზრის გამოქვეყნებაზე უარის თქმის გამო, არამედ დონორების ინფორმირებას თქვენი საეჭვო ჟურნალისტური მიდგომების შესახებ'', - წერს პაპუაშვილი.

ცნობისთვის, გუშინ, 12 სექტემბერს OC Media-მ სათაურით - "საქართველოს პარლამენტის თავმჯდომარემ OC Media-ს დონორებზე ზეწოლა სცადა მას შემდეგ, რაც მოსაზრება არ გამოუქვეყნეს" სტატია გამოაქვეყნა.

როგორც გამოცემა წერს, პაპუაშვილმა ამ გზით სცადა მედიასაშუალებაზე გავლენის მოხდენა ან მისი დასჯა. OC Media-ს სტატიაში ნათქვამია, რომ სულ მცირე, ერთმა საერთაშორისო ორგანიზაციამ, რომელიც მათ აფინანსებს, დაადასტურა, რომ საქართველოს პარლამენტის თავმჯდომარის ოფისმა, უარის თქმის შემდეგ, მათ წერილობით მიმართა.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე