ჩვენ ვხედავთ ევროკავშირის გაფართოებას, როგორც რუსეთის ომის აუცილებელ გეოპოლიტიკურ შედეგს,- ამის შესახებ გერმანიის საგარეო საქმეთა მინისტრმა, ანალენა ბერბოკმა უკრაინაში განაცხადა.

ბერბოკის თქმით, გერმანია EU-სკენ მიმავალ გზაზე უკრაინის მხარდამჭერია.

„ბომბების ქვეშ, რუსეთის ტანკების პირისპირ უკრაინა საკუთარ თავში დარწმუნებული და შემართული დადგა ევროკავშირის გზაზე. უკრაინა დიდი სიმამაცითა და შემართებით იცავს თითოეული ჩვენგანის თავისუფლებას. ჩვენ ვხედავთ ევროკავშირის გაფართოებას, როგორც რუსეთის ომის აუცილებელ გეოპოლიტიკურ შედეგს. ჩვენ უკრაინას გადამწყვეტ მხარდაჭერას ვუცხადებთ მის გზაზე ევროკავშირისკენ...

565 დღე გავიდა მას შემდეგ, რაც რუსეთმა ომი დაიწყო უკრაინაში. ყოველდღე ახალი საშინელება, ყოველდღე ახალი ტანჯვა და სიკვდილი - ეს არის უკრაინელი ხალხის სასტიკი რეალობა... პუტინს სურს ხალხის გატეხვა, დათრგუნვა და დაღლა. რუსეთი არა მხოლოდ კლავს ბომბებით, არამედ ართმევს მომავალს ათასობით უკრაინელ ბავშვს. მათ იტაცებენ ბავშვთა სახლებიდან და სკოლებიდან, რათა გადაასახლონ რუსულ ბანაკებში ან გააშვილონ",- თქვა ბერბოკმა.

ცნობისთვის, გერმანიის საგარეო საქმეთა მინისტრი ანალენა ბერბოკი მოულოდნელი ვიზიტით კიევში დღეს, 11 სექტემბერს ჩავიდა. 2022 წლის 24 თებერვლის შემდეგ, ეს გერმანიის საგარეო საქმეთა მინისტრის მეოთხე ვიზიტია კიევში.

ავტორი: ექსპრესნიუსი,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს