ესპანეთში ქართული კრიმინალური დაჯგუფების წევრები დააკავეს.

ქვეყნის შინაგან საქმეთა სამინისტროს ინფორმაციით, ორგანიზებული დანაშაულებრივი დაჯგუფება, რომლის შემდგენლობაში ძირითადად ქართველები იყვნენ, სხვადასხვა ქალაქებში სახლებს ძარცვავდნენ.

უწყების ცნობით, კრიმინალურ დაჯგუფებას ე.წ. კანონიერი ქურდები მართავდნენ. ამასთან ერთად ცნობილია, რომ დანაშაულებრივი დაჯგუფების წევრები თანხებს საქართველოსა და სხვა ქვეყნებში გზავნიდნენ.

ეჭვმიტანილების დაკავების შემდეგ, მათი სახლის ჩხრეკის შედეგად პოლიციამ ძვირადღირებული საათები, მობილური ტელეფონები და ნაღდი ფული ამოიღო.

„გამოძიებამ დაადგინა, რომ დაკავებულები არიან ქართული მაფიოზური ორგანიზაციების წვერები და მათ ე.წ. კანონიერი ქურდები ხელმძღვანელობენ. ისინი წინასწარ შემუშავებული გეგმით მოქმედებდნენ.

პოლიციამ გაარკვია, რომ მანქანას ქირაობდნენ და მთელი ქვეყნის მასშტაბით გადაადგილდებოდნენ. ძარცვავდნენ სახლებს, ფერემბსა და სხვა ობიექტებს. კრიმინალები რამდენიმე ჯგუფად იყვნენ დაყოფილი.  ისინი დავალებებს ქართველი პირებისგანაც იღებდნენ, სავარაუდოდ ისინი უმზადებდნენ მათ ყალბ დოკუმენტებს და ასევე უზრუნველყოფდნენ მათთვის საცხოვრებელ ადგილებს", - აცხადებენ ესპანეთის პოლიციაში.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს