2023-09-05 17:43:50, 977 ნახვა
პოლიტიკა
ოკუპირებული აფხაზეთი - ინალ არძინბას, სავარაუდო გადადგომის შესახებ გავრცელებული ინფორმაცია რეალობას არ შეესაბამება
დროებით ოკუპირებული აფხაზეთის დე ფაქტო საგარეო საქმეთა სამინისტროს "პრესსამსახური" ინალ არძინბას გადადგომის შესახებ გავრცელებულ ინფორმაციას უარყოფს.
უწყების განცხადებას რუსული სამთავრობო მედია ავრცელებს.
"აფხაზეთის რესპუბლიკის საგარეო საქმეთა მინისტრის, ინალ არძინბას, სავარაუდო გადადგომის შესახებ გავრცელებული ინფორმაცია რეალობას არ შეესაბამება. აფხაზეთის საგარეო საქმეთა სამინისტროს მუშაობა ჩვეულ რეჟიმში გრძელდება," - ნათქვამია განცხადებაში, რომელსაც "ეხო კავკაზა" ავრცელებს.
შეგახსენებთ, ე.წ. საგარეო საქმეთა მინისტრის გადადგომის შესახებ ინფორმაციას აფხაზური საინფორმაციო პლატფორმები, რუსული სახელმწიფო სააგენტო "ტასი" და "ინტერფაქსი" ავრცელებენ.
ავტორი: ექსპრესნიუსი,
epn.ge (@expressnews.ge)
