თუ რამე არღვევს დღეს საქართველოს კონსტიტუციას, ეს არის რუსული ხელისუფლება "ქართული ოცნების" სახით, - ასე გამოეხმაურა "ლელო საქართველოს" თავმჯდომარე, მამუკა ხაზარაძე საქართველოს მმართველი პარტიის მიერ პრეზიდენტისთვის ევროპელ კოლეგებთან ვიზიტის ნებართვის არ მიცემის საკითხს.

მისივე თქმით, საქართველოს პრეზიდენტის ევროპელ კოლეგებთან შეხვედრები შეიძლება მხოლოდ ქვეყნის და ევროინტეგრაციის მტრებს აწუხებდეს.

"საქართველოს პრეზიდენტის ევროპელ კოლეგებთან შეხვედრები შეიძლება მხოლოდ ჩვენი ქვეყნის და ევროინტეგრაციის მტრებს აწუხებდეს (აშინებდეს). 
თუ რამე არღვევს დღეს საქართველოს კონსტიტუციას, ეს არის რუსული ხელისუფლება "ქართული ოცნების" სახით, რომელიც კონსტიტუციით დადგენილ პროდასავლურ არჩევანს უკეთებს საბოტაჟს! 
ევროპა ქართველი ხალხის არჩევანია, ევროპა ჩვენი ქვეყნისა და ჩვენი შვილების უსაფრთხო მომავალია!", წერს მამუკა ხაზარაძე.

შეგახსენებთ, საქართველოს მთავრობამ პრეზიდენტ სალომე ზურაბიშვილის ევროპაში ვიზიტის პარალელურად განცხადება გამოაქვეყნა და აღნიშნა, რომ მას მოთხოვნილ ვიზიტებზე უარი უთხრეს.

პრეზიდენტის ადმინისტრაციის ცნობით, ზურაბიშვილი საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად ევროპელ ლიდერებთან შეხვედრებს იწყებს. 

მთავრობის უარის მიუხედავად ზურაბიშვილი გერმანიაში გაემგზავრა, სადაც გერმანიის პრეზიდენტს, ფრანკ-ვალტერ შტაინმაიერს შეხვდა.

ავტორი: ექსპრესნიუსი,

სოციალური ქსელები

ონიანი-ჯანგველაძის კლანი ევროპაში იკრიბება - прайм крайм

მეცოლას გზავნილი ქართველ ხალხს - ჩვენი გზავნილია: არ დანებდეთ

ესტონეთის პრემიერ-მინისტრი - საქართველოს მთავრობამ უნდა უსმინოს საკუთარ ხალხს

სიორიძე - ძლიერი საქართველო - ლელო საკონსტიტუციოში პარტიების აკრძალვის პროცესზე იქნება წარმოდგენილი