საქართველოს მთავრობამ აჭარაში სტიქიის შედეგების სალიკვიდაციოდ 3 მილიონ ლარზე მეტი გამოყო.

ამის შესახებ "ექსპრესნიუსს" აჭარის მთავრობის პრესსამსახურიდან აცნობეს.

საქართველოს პრემიერ-მინისტრის განკარგულებით, რეგიონებში განსახორციელებელი პროექტების ფონდიდან 3 223 014 ლარი გამოიყო. აღნიშნული თანხა გათვალისწინებულია ბათუმის, ხელვაჩაურისა და ქობულეთის მუნიციპალიტეტებში დაზიანებული ინფრასტრუქტურის, საცხოვრებელი სახლებისა და მიმდებარე ტერიტორიების აღდგენითი სამუშაოების განსახორციელებლად.

აჭარის მთავრობის პრესსამსახურის ინფორმაციით, გამოყოფილი თანხიდან 1 333 000 ლარი საგზაო ინფრასტრუქტურის რეაბილიტაციას მოხმარდება, 1 000 000 ლარი - ბათუმისთვის მიყენებული ზიანის კომპენსირებისთვის, 424 334 ლარი ქობულეთის,  465 680 ლარი კი, ხელვაჩაურის მუნიციპალიტეტისთვის არის გათვალისწინებული.

„გასულ წელს აჭარაში ხშირი იყო სტიქიური მოვლენები. ჭარბი ატმოსფერული ნალექის შედეგად დაზიანდა საცხოვრებელი სახლები და მნიშვნელოვანი ზიანი მიადგა რეგიონის ინფრასტრუქტურას. სტიქიური მოვლენებისგან მიყენებული ზარალის საერთო თანხამ დაახლოებით 3 500 000 ლარი შეადგინა. აქედან 261 800 ლარი გამოიყო აჭარის არ სარეზერვო ფონდიდან სტიქიის შედეგად დაზარალებული 402 ოჯახის ზარალის ნაწილობრივი ანაზღაურებისთვის და დაზიანებული ობიექტების სარეაბილიტაციოდ საპროექტო-სახარჯთაღრიცხვო დოკუმენტაციის მოსამზადებლად. ხოლო 3 223 014 ლარის გამოყოფა ეთხოვა საქართველოს მთავრობას“, - ნათქვამია აჭარის მთავრობის პრესსამსახურის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო