მმართველი კოალიციის დეპუტატებმა მხარი დაუჭირეს ინიციატივას, რომელიც ზღუდავს ისრაელის უზენაესი სასამართლოს უფლებამოსილებებს.

ოპოზიციის პროტესტის მიუხედავად, სასამართლო რეფორმამ წარმატებით მიიღო გადამწყვეტი ხმა ქნესეტში. ხელისუფლების შტოებს შორის უფლებამოსილების განაწილებასთან დაკავშირებული პირველი და ძირითადი კანონპროექტის მესამე მოსმენით მისაღებად ხმათა საჭირო რაოდენობა მმართველი კოალიციის 64-მა წევრმა უზრუნველყო. ოფიციალურად, არც ერთი წინააღმდეგი ხმა არ დაფიქსირებულა, იტყობინება EFE. კენჭისყრას 56-მა ოპოზიციონერმა დეპუტატმა თავი შეიკავა. პროტესტის ნიშნად პარლამენტარებმა სხდომათა დარბაზი დატოვეს.

მიღებული კანონპროექტი აუქმებს „გამართლების დოქტრინას“, რომელიც უზენაეს სასამართლოს უფლებას აძლევდა შეეფასებინა მთავრობის გადაწყვეტილებები და გააუქმებინა ისინი. მმართველი პარტია ამტკიცებდა, რომ ეს ცვლილება აუცილებელია ხელისუფლების შტოების სრული გამიჯვნისთვის.

რეფორმის ოპონენტები დოქტრინას უწოდებენ კონტროლისა და ბალანსის სისტემის მნიშვნელოვან ელემენტს, ერთ-ერთ ფუნდამენტურ დემოკრატიულ გარანტიას, რომელიც იცავდა ქვეყანას ძალაუფლების ბოროტად გამოყენებისგან.

მანამდე, ათასობით პროტესტისა და არეულობის ფონზე, პრემიერ მინისტრი ბენიამინ ნეთანიაჰუ იძულებული გახდა რეფორმის განხილვა შეეჩერებინა. მიუხედავად ამისა, რამდენიმე თვის შემდეგ ინიციატივა ქნესეტში კენჭისყრაზე დაბრუნდა.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე