მოსკოვის გოლოვინსკის რაიონულმა სასამართლომ ტელეარხის „დოჟდის“ მთავარი რედაქტორი ტიხონ ძიადკო 35 000 რუბლით დააჯარიმა უცხოური აგენტების შესახებ კანონის დარღვევისთვის. ის სოციალურ ქსელებში ე.წ უცხოელი აგენტების სიაში ჩართვას არ აცხადებს.

ძიადკოს წინააღმდეგ ადმინისტრაციული ოქმის შედგენის ფაქტი ივნისის ბოლოს გახდა ცნობილი. „დოჟდის“ მთავარი რედაქტორი უცხოური აგენტების რეესტრს 2022 წლის ოქტომბერში დაემატა. ჟურნალისტი რუსეთში არ ცხოვრობს: არხი მაუწყებლობს რამდენიმე ქვეყნიდან, მათ შორის ლატვიიდან და ნიდერლანდებიდან.

სისხლისსამართლებრივი დევნის მიზეზი შეიძლება გახდეს სასამართლოს მიერ მარკირების არარსებობის მუხლით აღიარებული ორი დანაშაული. გაზაფხულიდან საზოგადო მოღვაწეებს, ჟურნალისტებს, მუსიკოსებს და მწერლებს მარკირების არარსებობის გამო რეგულარულად ადგენენ ადმინისტრაციული ოქმები, იხსენებს OVD-Info.
13 ივლისს რიგის რაიონულმა ადმინისტრაციულმა სასამართლომ ძალაში დატოვა ლატვიის ელექტრონული მედიის ეროვნული საბჭოს გადაწყვეტილება ტელეარხის „დოჟდის“ მაუწყებლობის ლიცენზიის გაუქმების შესახებ. არხის განცხადებაში ნათქვამია, რომ არხი გააგრძელებს ამ გადაწყვეტილების გასაჩივრებას ზემდგომ სასამართლოებში, ECtHR-მდე.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება