მათი ინიციატივა, რაც არ უნდა იყოს, უკავშირდება ერთადერთი იმას, რომ სააკაშვილი დაიხსნან ტყვეობიდან იმიტომ, რომ არ გამოვრიცხავ, ფული ჰქონდეს აღებული ბატონ არახამიას,- ასე ეხმაურება "ქართული ოცნების" დეპუტატი ირაკლი ზარქუა უკრაინის რადაში დარეგისტრირებულ მიმართვის პროექტს, რომელიც მესამე პრეზიდენტის, მიხეილ სააკაშვილის შეწყალებას ითხოვს.

ზარქუას თქმით, პარტია ''ხალხის მსახურის'' ლიდერი დავით არახამია და რადას დეპუტატი ოლექსეი გონჩარენკო "ხელმოცარული პოლიტიკოსები არიან, რომლებით რადაში შემთხვევით მოხვდნენ".

"არახამიასნაირები და გონჩარენკოები რაც არ უნდა ინიციატივით გამოვიდნენ, ეს ჩვენთვის უინტერესოა. ესენი არიან ადამიანები, რომლებიც თავიანთ ქალაქში და ქუჩაში ვერ გამოდიან. გინახავთ არახამია სადმე ბრძოლობდეს? რამდენი ტერიტორია დაკარგა. სადმე გინახავთ ან გონჩარენკო ან არახამია იარაღით ხელში? ესენი არიან ხელმოცარული პოლიტიკოსები, შემთხვევით მოხვედრილი რადაში, უკრაინის პოლიტიკაში. უსამშობლოების გაერთიანებაა.

მათი ინიციატივა, რაც არ უნდა იყოს, უკავშირდება ერთადერთი იმას, რომ სააკაშვილი დაიხსნან ტყვეობიდან იმიტომ, რომ არ გამოვრიცხავ, ფული ჰქონდეს აღებული ბატონ არახამიას. ამაზე წამსვლელია იმიტომ, რომ უსამშობლო კაცია, რომელსაც არაფრად ადარდებს არც უკრაინის ბედი, არც საქართველოს ბედი. ქართველ ხალხს, ქართველი ვარო და რუსულად გველაპარაკება",- განაცხადა ზარქუამ.

შეგახსენებთ, რომ დღეს, 14 ივლისს უკრაინის რადაში დარეგისტრირდა მიმართვის პროექტი, საქართველოს მესამე პრეზიდენტის მიხეილ სააკაშვილის ჰუმანიტარული მიზნით შეწყალებისა და სამკურნალოდ გადაყვანის შესახებ.

ავტორი: ექსპრესნიუსი,

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ