თბილისის მერის, კახა კალაძის განცხადებით, კონკრეტული ევროპარლამენტარების მიზანი, რომლებსაც "მთავარი არხის" დამფუძნებლი ნიკა გვარამია სტრასბურგში ხვდება, საქართველოს ხელისუფლების ცვლილებაა.

კალაძის თქმით, ნიკა გვარამიას შეწყალება პოლარიზაციის გაღრმავებისკენ გადადგმული ნაბიჯია.

„როდესაც პრეზიდენტმა გვარამიას შეწყალების გადაწყვეტილება მიიღო, მაშინ ვთქვი, რომ ეს  პოლარიზაციის გაღრმავებისკენ გადადგმული ნაბიჯი იყო. სადაც ბატონი გვარამია მიიწვიეს, იმ ვიზიტის მასპინძლები  რა განცხადებებს აკეთებდნენ საქართველოზე კარგად გვახსოვს, ასევე, სტატუსის მიღებაზე. ისინი  სტატუსის საპირწონედ სააკაშვილის გათავისუფლებას აყენებდნენ“, - განაცხადა კალაძემ.

კალაძის თქმითვე, კონკრეტული ევროპარლამენტარების რადიკალური ქმედებები მარცხისთვის იქნება განწირული.

„ყველაფერი ნათელია. ამ ადამიანებს სხვა მიზანი აქვთ. ისინი არ არიან საქართველოს მეგობრები. მათი მიზანია  საქართველოს ხელისუფლების ცვლილება. არ აქვს მნიშვნელობა ეს როგორი გზით მიიღწევა. მათთვის არადემოკრატიული ქმედებებიც მისაღებია. მინდა, მათ იმედი გავუცრუო, არაფერი გამოუვათ. მათი რადიკალიზმი მარცხისთვისაა განწირულია“, - დასძინა კალაძემ.

ცნობისთვის, "მთავარი არხის" დაფუძნებელი ნიკა გვარამია სტრასბურგში იმყოფებოდა და ევროდეპუტატებს შეხვდა. შეხვედრების შემდეგ, გუშინ, 12 ივლისს გვარამიამ და ევროპარლამენტარებმა ერთობლივი პრესკონფერენციაც გამართეს.

ავტორი: ექსპრესნიუსი,

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ