2023-07-10 17:15:34, 1113 ნახვა
მსოფლიო
Downing Street - რიში სუნაკი და ჯო ბაიდენი უკრაინის მხარდაჭერის გაგრძელებაზე შეთანხმდნენ
დიდი ბრიტანეთის პრემიერ-მინისტრი რიში სუნაკი და აშშ-ის პრეზიდენტი ჯო ბაიდენი შეთანხმდნენ, რომ საჭიროა, მათი ალიანსის გაძლიერება და უკრაინის მხარდაჭერის შენარჩუნება. აღნიშნულის შესახებ ინფორმაციას დიდი ბრიტანეთის პრემიერ-მინისტრის ადმინისტრაციის პრესსპიკერი ავრცელებს.
პრესსპიკერის ცნობით, ლიდერებმა უკრაინის კონტრშეტევები განიხილეს, სადაც ხაზი უკრაინის მხარდაჭერის მნიშვნელობის უზრუნველყოფას გაუსვეს, რომელიც მას ომის მოსაგებად და მშვიდობისთვის სჭირდება.
მისივე ინფორმაციით, ხაზი გაესვა ორი ქვეყნის მეგობრობისა და მჭიდრო დიალოგის მნიშვნელობას.
ცნობისთვის, აშშ-ის პრეზიდენტი ჯო ბაიდენი დიდი ბრიტანეთიდან ლიეტუვას, იქიდან კი ფინეთს ეწვევა.
ავტორი: ექსპრესნიუსი,
epn.ge (@expressnews.ge)
