ისვრიან ქვებს, შემოახიეს მაისურები ადამიანებს - საჯარო მოხელეები არიან, პირდაპირ სუს-ის “ნასედკები",- ასე ეხმაურება "ერთიანი ნაციონალური მოძრაობის" თავმჯდომარე ლევან ხაბეიშვილი საგარეჯოში განვითარებულ მოვლენებს, რა დროსაც საპენსიო რეფორმასთან დაკავშირებით ენმ-ის მიერ ორგანიზებული შეხვედრას სიტყვიერი და ფიზიკური დაპირისპირება მოჰყვა.

როგორც ხაბეიშვილმა ჟურნალისტებთან საუბრისას აღნიშნა, საგარეჯოში "წარმოუდგენელი ვანდალიზმი" მოხდა.

„თქვენ ახლა აქ ხედავთ პაპუასებს, ქვებს ისვრიან. აქ ვართ პენსიონერებთან ერთად, რომ ვესაუბროთ პენსიაზე, თუ როგორ გაძარცვეს საბანკო ოლიგარქიით. ამ კონკრეტულმა პენსიონერმა აიღო სესხი 1 600 ლარი 2018 წელს, 2023 წელია კიდე იხდის და ჯამში 1 600 ლარში უნდა გადაიხადოს 4 500 ლარი. ამ თემებზე სასაუბროდ მოვედით აქ, ვხვდებით მოსახლეობას საგარეჯოში და შეხედეთ, ისვრიან ქვებს, შემოახიეს მაისურები ადამიანებს და საჯარო მოხელეები არიან, პირდაპირ სუს-ის “ნასედკები”.

ჩამოსული ვარ შეხვედრაზე პენსიონერებთან სასაუბროდ, რომ რუსმა ოლიგარქმა შეჭამა ეს ხალხი და შეხედეთ რა დღეში აგდებენ მოსახლეობას, შეხედეთ საკუთარ სახლში როგორ ესვრიან ქვებს პენსიონერებს, წარმოუდგენელი ვანდალიზმია და ამას აკეთებს რუსი ივანიშვილი და "კაგებეშნიკი” კობახიძე. 

აუცილებლად გავაგრძელებ ამ შეხვედრებს, ნუ ეგონებათ, რომ შემეშინდება. აწუხებთ პენსიონერებზე საუბარი? ვისაუბრებ. აწუხებთ, რომ რუსები და პუტინისტები არიან? ვისაუბრებ. ამათ ჰგონიათ, რომ კასპში ქვები რომ დაგვიშინეს, აღარ ჩავიდოდით? ქალბატონია აქ, რომელსაც ქვითრები აქვს თუ როგორ ვერ იხდიან სესხს, თუ როგორ გაძარცვა რუსმა ივანიშვილმა და ამ თემებზე სასაუბროდ ვართ აქ ჩამოსული, ხალხის პრობლემებზე სასაუბროდ",- ამბობს ხაბეიშვილი.

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს