2023-07-03 22:29:32, 560 ნახვა
პოლიტიკა
შალვა პაპუაშვილი ევროპის საბჭოს ადამიანის უფლებათა კომისარს შეხვდა
პარლამენტის თავმჯდომარე შალვა პაპუაშვილი ევროპის საბჭოს ადამიანის უფლებათა კომისარ დუნია მიატოვიჩს შეხვდა. ამის შესახებ ინფორმაციას საქართველოს პარლამენტი ავრცელებს.
როგორც პარლამენტის მიერ გავრცელებულ განცხადებაშია აღნიშნული, შეხვედრაზე საუბარი შეეხო საქართველოში ადამიანის უფლებათა დაცვის კუთხით არსებულ ვითარებასა და საპარლამენტო საქმიანობას.
"დუნია მიატოვიჩმა აღნიშნა, რომ საქართველო იმსახურებს ევროკავშირის კანდიდატი ქვეყნის სტატუსს და მისი შესაძლებლობების ფარგლებში, მზად არის, გაუწიოს დახმარება საქართველოს ევროკავშირში გაწევრიანების გზაზე.
შალვა პაპუაშვილმა კომისარს მადლობა გადაუხდა ნაყოფიერი თანამშრომლობისთვის", - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
