საქართველოს პარლამენტთან საპროტესტო აქცია მიმდინარეობს. 

"შეაწუხე ირაკლი" - ამ სლოგანით მოქალაქეები საკანონმდებლო ორგანოს უკანა შეასასვლელთან შეიკრიბნენ. ადგილზე მობილიზებული არიან სამართალდამცველები.

აქციაზე ადგილი ჰქონდა ინციდენტსაც - "ქართული ოცნების" დეპუტატმა, ლევან მგალობლიშვილმა ადგილზე მყოფებს სიტყვიერი შეურაცხყოფა მიაყენა.

როგორც "ტვ პირველის" ჟურნალისტმა, ნანუკა ქაჯაიამ "ფორმულას" უთხრა, მმართველი პარტიის წარმომადგენელმა სიტყვიერი შეურაცხყოფა არა მარტო სამოქალაქო აქტივისტებს, არამედ მასაც მიაყენა.

რაც შეეხება თავად მგალობლიშვილს, "ქართული ოცნების" დეპუტატი "ტვ პირველთან" ამბობს, რომ მისი გინების ადრესატი არა ჟურნალისტი, არამედ იქ მყოფი სამოქალაქო აქტივისტები იყვნენ.

ცნობისთვის, დღეს პარლამენტში საქართველოს პრემიერ-მინისტრ ირაკლი ღარიბაშვილს ელოდებიან. მთავრობის მეთაური საკანონმდებლო ორგანოში ყოველწლიური მოხსენებით წარსდგება.

პარლამენტის პრესსამსახურის ცნობით, საკანონმდებლო ორგანოს შენობაში დაშვების შეზღუდული რეჟიმი იმოქმედებს.

პრესსამსახურში განმარტავენ, რომ შეზღუდვის მიზანი დეპუტატებისა და აპარატის თანამშრომლების უსაფრთხოების დაცვაა.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს