რაც შეეხება, უსაფრთხოების საბჭოს მოწვევას, საზღვრების ჩაკეტვას და ა.შ. ხომ გაირკვა გუშინ გვიან, რომ ეს ყველაფერი იყო უბრალოდ სისულელე და მეტი არაფერი, მაგრამ ამ სისულელეს ამბობდა ადამიანი, რომელსაც ჰქვია საქართველოს პრეზიდენტი და ოპოზიციის პრაქტიკულად ყველა ლიდერი -  ასე ეხმაურება პარტია „ქართული ოცნების“ თავმჯდომარე ირაკლი კობახიძე უსაფრთხოების საბჭოს დაუყოვნებლივ მოწვევის შესახებ პრეზიდენტ სალომე ზურაბიშვილის მოწოდებას.

კობახიძის თქმით, დამტკიცდა, რომ ოპოზიცია და საქართველოს პრეზიდენტი "სისულელეს ითხოვდნენ". 

„მსოფლიოში არავის მოუწვევია უსაფრთხოების და უშიშროების საბჭო, სისულელე იყო უსაფრთხოების საბჭოს მოწვევა იმ მოვლენებთან დაკავშირებით, რომელიც გუშინ წარიმართა და ამ სისულელეს ითხოვდა გუშინ მთელი ოპოზიცია.

პრეზიდენტს აქვს კონკრეტული კომპეტენციები და მან უნდა გააცნობიეროს მეხუთე წელს მაინც, რომ ეს არის საპარლამენტო რესპუბლიკა, სადაც, გადაწყვეტილებების მიღებაზე ამ თემებთან, უსაფრთხოების საკითხებთან დაკავშირებით პასუხისმგებელია არა პრეზიდენტი, არამედ საქართველოს მთავრობა.  წარმოუდგენელია, დღემდე თუ ვერ შეიგნო ეს საქართველოს პრეზიდენტმა", - აღნიშნა ირაკლი კობახიძემ ჟურნალისტებთან საუბრისას.

ცნობისთვის, გუშინ, 24 ივნისს რუსეთის ფედერაციაში განვითარებული მოვლენების ფონზე, საქართველოს პრეზიდენტმა, სალომე ზურაბიშვილმა პრემიერ-მინისტრ ირაკლი ღარიბაშვილს უსაფრთხოების საბჭოს დაუყოვნებლივ მოწვევისკენ მოუწოდა. რაც შეეხება ოპოზიციურ სპექტრს, ლიდერები რუსეთის ფედერაციასთან საზღვრის ჩაკეტვას ითხოვდნენ.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს