2023-06-22 22:09:07, 744 ნახვა
პოლიტიკა
იოსელიანი გვარამიას შეწყალებაზე - დღეს უფრო ახლოს ვართ ევროპასთან
სახალხო დამცველი ლევან იოსელიანი, "მთავარი არხის" გენერალური დირექტორის, ნიკა გვარამიას შეწყალების საკითხს გამოეხმაურა.
იოსელიანი მიესალმება პრეზიდენტის გადაწყვეტილებას და აღნიშნავს, რომ მიღებული გადაწყვეტილებით საქართველო ევროპასთან კიდევ უფრო ახლოსაა.
"მივესალმები პრეზიდენტ ზურაბიშვილის გადაწყვეტილებას ნიკა გვარამიას შეწყალების თაობაზე. დღეს უფრო ახლოს ვართ ევროპასთან", - განაცხადა იოსელიანმა.
შეგახსენებთ, დღეს საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი, ნიკა გვარამია შეიწყალა.
ავტორი: ექსპრესნიუსი,
epn.ge (@expressnews.ge)
