სამწუხაროდ, LGBT პროპაგანდას აქვს ფართო მხარდაჭერა, დიდი იმედი გვაქვს, ჩვენი ქვეყნის მიმართ არ იქნება წამოყენებული მოთხოვნები, რომ იგივე ბავშვებში LGBT პროპაგანდას დავუჭიროთ მხარი,- ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

კობახიძის თქმით, პროპაგანდა კატეგორულად მიუღებელია მაშინ, როცა ამის ადრესატი არიან ბავშვები.

„სტატისტიკა ვნახეთ, აშშ-ში 18-დან 25 წლადე მოსახლეობის 20% არის LGBT პირი, საფრანგეთში - 22%. არის ქვეყნები, სადაც კიდევ უფრო მაღალია მაჩვენებელი. თავის დროზე, ჩვენ გვიმტკიცებდნენ, რომ პროპაგანდას ვერ ექნებოდა გავლენა ადამიანის ორიენტაციაზე. აღმოჩნდა, რომ ეს არის ტყუილი. რა თქმა უნდა, პროპაგანდას აქვს გავლენა ადამიანების ქცევაზე და სწორედ ამის დადასტურებაა ის სტატისტიკა, რომელიც გამოქვეყნდა - ამერიკაში 20%, საფრანგეთში 22%, კიდევ მთელი რიგი ევროპული ქვეყნებია, სადაც უფრო მაღალია მაჩვენებელი. ეს შემაშფოთებელია. აქედან გამომდინარე, ჩვენ ხაზგასმით უნდა აღვნიშნოთ, რომ პროპაგანდა კატეგორულად მიუღებელია, მით უმეტეს, როცა ამ პროპაგანდის ადრესატი არიან ბავშვები. ბავშვებში LGBT პროპაგანდა კატეგორიულად მიუღებელია. ყველაფერი უნდა გაკეთდეს, რათა ჩვენ ამას დავუპირისპირდეთ სამართლებრივი ჩარჩოების ფარგლებში.

ჩვენ ვხედავთ, რომ სამწუხაროდ, LGBT  პროპაგანდას აქვს ძალიან ფართო მხარდაჭერა. დიდი იმედი გვაქვს, ჩვენი ქვეყნის მიმართ არ იქნება წამოყენებული ასეთი მოთხოვნები, რომ მაინც და მაინც იგივე ბავშვებში LGBT პროპაგანდას დავუჭიროთ მხარი. ეს ჩვენთვის იქნებოდა მიუღებელი",- განაცხადა კობახიძემ.

"ექსპრესნიუსი" ემიჯნება პოლიტიკოსების ჰომოფობიურ განცხადებებს.

ავტორი: ექსპრესნიუსი,

სოციალური ქსელები

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance