წყალქვეშა ნავი, რომელსაც ტურისტები "ტიტანიკის" ფრაგმენტების სანახავად მიჰყავდა, ატლანტის ოკეანეში გაუჩინარდა. აღნიშნულ ინფორმაციას Reuters-ი ავრცელებს.

შემთხვევა 18 ივნისს, კანადის სამხრეთ-აღმოსავლეთ სანაპიროსთან მოხდა.

აშშ-ის სანაპირო დაცვამ განაცხადა, რომ ბორტზე ერთი ლოცმანი და ოთხი მგზავრი იმყოფებოდა და რომ ნავს  წყალქვეშ 96 საათის განმავლობაში ყოფნა შეეძლო.

სანაპირო დაცვის ცნობით, წყალქვეშა ნავმა, სახელწოდებით, "ტიტანი" დამხმარე გემის - Polar Prince-ის ეკიპაჟთან კონტაქტი ჩაშვებიდან 1 საათისა და 45 წუთის შემდეგ დაკარგა, თუმცა გაურკვეველი იყო, ის ისევ წყალქვეშ იმყოფებოდა, თუ ზედაპირზე და ვერ ახერხებდა კონტაქტზე გასვლას.

სამძებრო-სამაშველო ღონისძიებებს აშშ და კანადა გემებითა და თვითმფრინავებით ახორციელებენ. 

”ეს არის შორეული ტერიტორია და გამოწვევაა ამ შორეულ მხარეში ჩხრეკის ჩატარება”,- განაცხადა აშშ-ის სანაპირო დაცვის წარმომადგენელმა, ჯონ მაუგერმა.

ბრიტანული სამგზავრო გემი "ტიტანიკი" 1912 წელს, პირველი მოგზაურობისას, აისბერგთან შეჯახების შემდეგ ჩაიძირა. კატასტროფას 1 500-ზე მეტი ადამიანი ემსხვერპლა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს