გაუგონარი,წარმოუდგენელი აბსურდია ნიკა გვარამიას ბრალი, თავიდან ბოლომდე ბიძინა ივანიშვილის პირად ბოღმებს უკავშირდება მისი პატიმრობა, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

როგორც ხაბეიშვილი აღნიშნავს, ნიკა გვარამიას პატიმრობაში ყოფნისა და მოშორების მიზეზი არის ის, რომ ბიძინა ივანიშვილს მისი თავისუფლებაზე ყოფნის პირობებში უამრავი პრობლემა ექმნებოდა. 

„გაუგონარი,წარმოუდგენელი აბსურდია ნიკა გვარამიას ბრალი, თავიდან ბოლომდე ბიძინა ივანიშვილის პირად ბოღმებს უკავშირდება მისი პატიმრობა. დამოუკიდებელი საქართველოს ისტორიაში არავინ გაუსამართლებიათ იმის გამო, რომ თურმე მეუღლეს კომპანიიდან მისი ავტომობილი ათხოვეს. აქ ცინიზმის მწვერვალი და ცხადია არანაირი გადაწყვეტილება  სასამართლოს არ მიუღია არც პირველ ინსტანციაში, არც სააპელაციოში და არც უზენაესში არ მიუღიათ გადაწყვეტილება. ეს გადაწყვეტილება მიიღო რუსმა ოლიგარქმა - ბიძინა ივანიშვილმა, რომლის პირადი ტყვეც გახლავთ ნიკა გვარამია და ის იმიტომ არის პატიმრობაში, რომ ბიძინა ივანიშვილს მისი თავისუფლებაზე ყოფნის პირობებში ჰქონდა უამრავი პრობლემა და ცხადია ესეთ ადამიანებს ასეთი ფორმით იშორებს რუსი ოლიგარქი. შესაბამისად, ეს გადაწყვეტილება პირდაპირ ვთქვათ, რომ არავის არ გაჰკვირვებია მარტივი მიზეზით, როგორც პრეზიდენტი იღებს გადაწყვეტილებას ბიძინა ივანიშვილის დავალებით და ჩვენდა სამწუხაროდ ხანდახან უბრალოდ საუბრობს და მოქმედებაში ეს არ აისახება, იგივე ნაირად ხდება სასამართლოშიც,როცა კონკრეტულ გადაწყვეტილებებს იღებს ბიძინა ივანიშვილი ხოლო,უბრალოდ ქაღალდზე წერს ე.წ.მოსამართლეთა დასანქცირებული ბანდფორმირების წარმომადგენელი", - განაცხადა ხაბეიშვილმა.

შეგახსენებთ, უზენაესმა სასამართლომ "მთავარი არხის" გენერალური დირექტორის, ნიკა გვარამიას სარჩელი დაუშვებლად ცნო. 

კერძოდ, 2023 წლის 19 ივნისის განჩინებით, უზენაესმა სასამართლომ დაუშვებლად ცნო ნიკა გვარამიასა და კახაბერ დამენიას ადვოკატების, ასევე პროკურატურის საკასაციო საჩივრები, რითაც ძალაში დარჩა თბილისის სააპელაციო სასამართლოს 2022 წლის 2 ნოემბრის განაჩენი.

ავტორი: ექსპრესნიუსი,

სოციალური ქსელები

Reuters- უკრაინაში Starshield-ის გამოყენების შეზღუდვის ბრძანება თეთრი სახლიდან გაიცა

უკრაინა რუსეთის აეროპორტებზე თავდასხმების მკვეთრ ზრდას ამზადებს

საპატრიარქო სამთავრო მონასტერში რუსულ წირვაზე - უცხოელ სასულიერო პირებს ასამაღლებლის წარმოთქმის უფლება მშობლიურ ენაზეც საეკლესიო ტრადიციით ეძლევათ

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს