"ნაციონალური მოძრაობის" თავმჯდომარე, ლევან ხაბეიშვილი თბილისის სახელმწიფო უნივერსიტეტის იმ სტუდენტების ნაწილზე თავდასხმას გამოეხმაურა, რომლებიც ირაკლი კობახიძისა და "ქართული ოცნების" პოლიტიკას აპროტესტებდნენ.

როგორც ხაბეიშვილმა აღნიშნა, მმართველმა პარტიამ ივანე ჯავახიშვილის სახელობის თბილისის სახელმწიფო უნივერსიტეტი "პუტინისტების შტაბ-ბინად გადააქცია"

"წარმოუდგენელი და გაუგონარი ამბები ხდება. დღეს ვნახეთ, რომ არასრულწლოვნებს რუსული პარტიის ზონდერები დაესხნენ თავს. საუბარია 16-17 წლის ახალგზრდებზე, რომლებსაც ე.წ. ორკები მიუვარდნენ გაუგონარი ძალადობით, ქვების სროლით.

ჩვენ ვნახეთ უნივერსიტეტი, რომელიც გადააქციეს კრიმინალური გარჩევის ადგილად. რუსულმა ოცნებამ პუტინისტების შტაბ-ბინად გადააქცია ჯავახიშვილის უნივერსიტეტი, ზონდერების თავშეყრის ადგილად", - განაცხადა ხაბეიშვილმა.

შეგახსენებთ, თბილისის სახელმწიფო უნივერსიტეტის სტუდენტების ნაწილს მმართველი გუნდის თავმჯდომარის, ირაკლი კობახიძის ლექციის პარალელურად საპროტესტო ბანერების გაშლა და "ოცნების" პოლიტიკის გაპროტესტება სურდათ, რასაც დაპირისპირება მოჰყვა.

როგორც ერთ-ერთი სტუდენტი ამბობს, როდესაც ბანერის გაშლა სურდათ 20-მდე კაცი გამოვიდა აუდიტორიიდან წაართვეს ბანერი, მიაყენეს ფიზიკური შეურაცხყოფა და პროტესტის ერთ-ერთი მონაწილე კიბიდან დააგორეს.

ავტორი: ექსპრესნიუსი,

სოციალური ქსელები

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა

სოციალური სამართლიანობის ცენტრი - დევნილებისთვის ფულადი კომპენსაციის პროგრამა უსახლკარობის რისკებს შექმნის

Reuters- უკრაინაში Starshield-ის გამოყენების შეზღუდვის ბრძანება თეთრი სახლიდან გაიცა

უკრაინა რუსეთის აეროპორტებზე თავდასხმების მკვეთრ ზრდას ამზადებს