2023-06-13 21:31:21, 1804 ნახვა
პოლიტიკა
საპარლამენტო უმრავლესობამ „ეროვნული ბანკის შესახებ“ კანონზე პრეზიდენტის ვეტო დაძლია
საპარლამენტო უმრავლესობამ „ეროვნული ბანკის შესახებ“ კანონზე პრეზიდენტის ვეტო დაძლია.
დღევანდელ პლენარულ სხდომაზე რეგისტრაცია გაიარა პარლამენტის 124-მა წევრმა.
სხდომაზე თავდაპირველად კენჭი ეყარა პრეზიდენტის მიერ მოტივირებული შენიშვნებით დაბრუნებულ კანონპროექტს, რომელიც ჩავარდა.
პრეზიდენტის მოტივირებული შენიშვნების ჩაგდების შემდეგ, კენჭისყრაზე კანონპროექტის პირვანდელი რედაქცია დადგა, მას მხარი დაუჭირა 82-მა დეპუტატმა, წინააღმდეგ ხმა მისცა პარლამენტის 9 წევრმა.
ცნობისთვის, საქართველოს პრეზიდენტმა, სალომე ზურაბიშვილმა „ეროვნული ბანკის შესახებ“ კანონში ცვლილებებს ვეტო 23 თებერვალს დაადო.
ავტორი: ექსპრესნიუსი,
epn.ge (@expressnews.ge)
