ევროპარლამენტის წევრები, ჩვენი კოლეგები ევროსტრუქტურებიდან და დასავლელი პარტნიორები დავიღალეთ თანამდებობის პირთა და მმართველი პარტიის წევრთა განცხადებებით, თითქოს ვცდილობთ საქართველოს ჩათრევას, გახსნას რუსეთის წინააღმდეგ "მეორე ფრონტი",- ამის შესახებ ევროპარლამენტარმა, მარინა კალიურანდმა ბრიუსელში, ევროპარლამენტში, ევროკავშირი-საქართველოს საპარლამენტო ასოცირების კომიტეტის (PAC) მე-12 სხდომაზე განაცხადა.

კალიურანდის განცხადებით, წლების წინ, საქართველო იყო მოწინავე აღმოსავლეთ პარტნიორებს შორის, ახლა კი, მთავარ საკითხებში უკრაინასა და მოლდოვას ჩამორჩება.

"წლების წინ, საქართველო იყო მოწინავე აღმოსავლეთ პარტნიორებს შორის, მაგრამ ფაქტია, პროგრესი 12 რეკომენდაციასთან დაკავშირებით არის არასრული, არაერთგვაროვანი და ხშირად ზედაპირული. ფაქტია ისიც, რომ საქართველო ჩამორჩება უკრაინასა და მოლდოვას მთავარ საკითხებში.

ევროპარლამენტის წევრები, ჩვენი კოლეგები ევროსტრუქტურებიდან და დასავლელი პარტნიორები დავიღალეთ თანამდებობის პირთა და მმართველი პარტიის წევრთა განცხადებებით, თითქოს ვცდილობთ საქართველოს ჩათრევას, გახსნას რუსეთის წინააღმდეგ "მეორე ფრონტი". ეს არის კრემლის პროპაგანდის სახელმძღვანელო, ეს არ არის სიმართლე. ამას არ ვუსურვებთ საქართველოსა და ქართველ ხალხს და არც არსდროს გვქონია ამის სურვილი. ჩვენ გვახსოვს 2008 წლის ომი.

საქართველო იმიტომ კი არ ჩამორჩება უკრაინასა და მოლდოვას, რომ ვერ გააგდო სოხუმიდან რუსეთის არმია, ის ჩამორჩება პოლიტიკური მართლმსაჯულების, დამოუკიდებელი სასამართლოს არარსებობის, დამოუკიდებელი ჟურნალისტების წინააღმდეგ ძალადობისა და დაშინების საქმეების გამო, სიძულვილის ენის გამო დასავლელი დიპლომატების, ევროპარლამენტის წევრებისა და სამოქალაქო საზოგადოების წინააღმდეგ, ასევე, პოლიციის სისასტიკის გამო მშვიდობიანი დემონსტრანტების მიმართ, რომლებიც აპროტესტებდნენ სკანდალურ კანონპროექტს "უცხოური აგენტების" შესახებ; იმის გამო, რომ პრემიერი ღარიბაშვილი ირწმუნებოდა ბუდაპეშტში, რომ ლგბტ თემის უფლებების მხარდაჭერა უტოლდებოდა უმცირესობების ძალადობას უმრავლესობის წინააღმდეგ. საქართველო ჩამორჩება მმართველი პარტიისა და მთავრობის ორაზროვანი პოზიციის გამო რუსეთის მიმართ, რომელიც ილუსტრირებულია მუდმივი უარით, მიუერთდეს ევროკავშირის სანქციებს; ასევე, ახალახან აღდგენილი პირდაპირი ფრენების გამო. საქართველო ახლა გზაჯვარედინზე დგას. შესაძლებლობების ფანჯარა ჯერ კიდევ ღიაა. საქართველოას მთავრობამ და მმართველმა პარტიამ უნდა აირჩიოს ორიდან ერთი გზა. ერთი მიდის ევროკავშირისკენ, მეორე უკან წარსულში",- განაცხადა კალიურანდმა.

შეგახსენებთ, რომ  ბრიუსელში, ევროპარლამენტში, ევროკავშირი-საქართველოს საპარლამენტო ასოცირების კომიტეტის (PAC) მე-12 სხდომა მიმდინარეობს, სადაც საქართველოსა და ევროკავშირს შორის თანამშრომლობის დღის წესრიგი, ევროკომისიის მიერ განსაზღვრული 12 რეკომენდაციის შესრულების პროგრესი, საქართველო-ევროკავშირის ასოცირების შესახებ შეთანხმების განხორციელების მიმდინარეობა განიხილება.

ავტორი: ექსპრესნიუსი,

სოციალური ქსელები

City Mall-ის დაბადების დღეზე საქართველოს ბანკის მომხმარებლები ნაწილ-ნაწილ გადახდით პირველად სარგებლობისას ქეშბექს მიიღებენ

კობახიძეს მიაჩნია რომ პოლიტიკური პარტიები რომლებიც არ აღიარებენ არსებული კონსტიტუციური წყობილების მათ ლეგიტიმურობას, უნდა აიკრძალონ

ირაკლი კობახიძე ირანის პრეზიდენტს შეხვდა

MDF: სახელისუფლებო მედიებმა ორი ოცნების ტროლი 351-ჯერ დააციტირეს