2023-06-08 13:44:10, 448 ნახვა
პოლიტიკა
ბოჭორიშვილი - ჩვენ საკუთარი თავი მივუძღვენით 12 რეკომენდაციის შესრულებას და მათი უმეტესობა სრულად შესრულებულია
შარშანდელმა გადაწყვეტილებამ, საქართველოსთვის კანდიდატის სტატუსის არმინიჭებასთან დაკავშირებით, ადგილი დატოვა გაურკვევლობისა და სპეკულაციებისთვის. ეს არც არის აუცილებელი და არც სასარგებლო ჩვენი ევროპული მომავლის უზრუნველსაყოფად,- ამის შესახებ საქართველოს პარლამენტის ევროინტეგრაციის კომიტეტის თავმჯდომარემ, მაკა ბოჭორიშვილმა საქართველო-ევროკავშირის ასოცირების საპარლამენტო კომიტეტის მეთორმეტე შეხვედრის გახსნაზე განაცხადა. როგორც ბოჭორიშვილმა სიტყვით გამოსვლისას აღნიშნა, საქართველომ 12 რეკომენდაციიდან უმეტესობა სრულად შეასრულა. „ევროკავშირთან ასოცირების შეთანხმება რჩება მნიშვნელოვან იარაღად ჩვენი ქვეყნის ევროინტეგრაციისა და ტრანსფორმაციის პროცესში. 2014 წლიდან საქართველომ გადადგა მნიშვნელოვანი ნაბიჯები ჩვენი ქვეყნის ევროკავშირთან დაახლოების საკითხში პროგრესის მისაღწევად. საქართველოს მიერ ევროპულ გზაზე მიღწეული პროგრესი უდავოა. წარმატებულმა რეფორმებმა საქართველო მრავალი თვალსაზრისით მიმზიდველ ადგილად აქცია და ქვეყანა ევროპულ სტანდარტებთან დააახლოვა. ევროკომისიის ანგარიშში, რომელიც თებერვალში გამოქვეყნდა, ასევე აღიარებულია საქართველოს მიერ ევროინტეგრაციის პროცესში მიღწეული მნიშვნელოვანი პროგრესი. ვინაიდან ევროკავშირში გაწევრიანება ჩვენი გრძელვადიანი კონსტიტუციური მიზანია, რომელსაც მხარს უჭერს საქართველოს მოქალაქეების 80 პროცენტზე მეტი, საქართველო ისწრაფვის გამოიყენოს ყველა შესაძლებლობა წინსვლისა და ევროპულ ოჯახში თავისი ადგილის დასაკავებლად. გასულ წელს საქართველომ გააკეთა ევროკავშირის წევრობაზე განაცხადი უკრაინასთან და მოლდოვასთან ერთად. ევროპის საბჭოს გადაწყვეტილება საქართველოსთვის ევროპული პერსპექტივის მინიჭების შესახებ, მნიშვნელოვანი ნაბიჯია ჩვენი ევროპული ოცნების განხორციელებისკენ. ჩვენ მივუძღვენით საკუთარი თავი ევროკავშირის მიერ წამოყენებული 12 რეკომენდაციის შესრულებას და დღეს შეგვიძლია ვთქვათ, რომ მათი უმეტესობა სრულად არის შესრულებული. მიუხედავად ამისა, შარშანდელმა გადაწყვეტილებამ საქართველოსთვის კანდიდატის სტატუსის არმინიჭების შესახებ (როგორც ეს უკრაინისა და მოლდოვის შემთხვევაში მოხდა ) ადგილი დატოვა გაურკვევლობისა და სპეკულაციებისთვის. ეს არც არის აუცილებელი და არც სასარგებლო ჩვენი ევროპული მომავლის უზრუნველსაყოფად“,- განაცხადა მაკა ბოჭორიშვილმა. ავტორი: ექსპრესნიუსი, „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|