2023-06-07 18:46:24, 634 ნახვა
მსოფლიო
სომხეთისა და ყაზახეთის ბანკები ბლოკავენ რუსეთის ფედერაციაში ელექტრონიკის მიწოდების გადახდებს
სომხეთის, ყაზახეთისა და ჰონგ-კონგის ბანკებმა დაიწყეს რუსული კომპანიების გადახდების დაბლოკვა პარალელური იმპორტით მიწოდებულ პროცესორებზე, მიკროსქემებსა და სხვა ელექტრონიკებზე, - ამის შესახებ, გამოცემა კომერსანტი იუწყება. საგარეო ეკონომიკური საქმიანობის სასაქონლო ნომენკლატურის კოდექსით გადახდის დაბლოკვით, რუსული კომპანიები, ბოლო ორი კვირაა სერიოზული პრობლემების წინაშე დადგნენ. რუსეთის მთავრობასთან დაახლოებული კომერსანტის კიდევ ერთმა წყარომ აღნიშნა, რომ გადახდის დაბლოკვა ხდება უახლესი თაობის სატელეკომუნიკაციო აღჭურვილობის, ასევე მონაცემთა შენახვის სისტემებისა და სერვერების მიწოდებაში. გამოცემის წყაროს თანახმად, გადახდის დაბლოკვა შესაძლოა დაკავშირებული იყოს სომხეთის, ყაზახეთისა და ჰონგ კონგის ბანკების შიშთან, რომ დაექვემდებარონ აშშ-ს მეორადი სანქციებს რუსეთის მოქალაქეებთან და კომპანიებთან თანამშრომლობისთვის, რომლებიც დასავლეთის სანქციების ქვეშ არიან. „კომერსანტის“ თანამოსაუბრეებმა აღიარეს, რომ რუსულ კომპანიებს შეეძლოთ საბანკო ჩეკების გვერდის ავლით „ალტერნატიული“ სასაქონლო ნომენკლატურის კოდების, ასევე „სხვა გადახდის მეთოდების“ გამოყენებით ელექტრონული კომპონენტების შესაძენად, ან მთელი აღჭურვილობის შეძენით. ამავდროულად, საბანკო სექტორის წყარომ მიუთითა, რომ უცხოური ბანკები ამოწმებენ გადახდებს რუსეთის ფედერაციიდან "ხელითაც". გამოცემის კომენტარში, ლოგისტიკური კომპანია Optimalog-ის აღმასრულებელმა დირექტორმა გეორგი ვლასტოპულომ განაცხადა, რომ ბანკების მიერ კონტროლის გამკაცრებამ შეიძლება გამოიწვიოს ასეთი პროდუქტების დეფიციტი რუსეთის ბაზარზე. „შეუძლებელია კომპონენტების, სათადარიგო ნაწილების, კომპიუტერების და ა.შ შეძენა უშუალოდ მწარმოებელი ქვეყნიდან, ხოლო მესამე ქვეყნების გავლით ეს სულ უფრო და უფრო რთულდება, ამიტომ ექვს თვეში ან ერთ წელიწადში შესაძლოა სანქცირებული პროდუქციის დეფიციტი შეგვექმნას. " მან თქვა. უკრაინაში რუსეთის სრულმასშტაბიანი შეჭრის დაწყებიდან დასავლეთის ქვეყნებმა დააწესეს სანქციები რუსეთის ფედერაციის თავდაცვის საწარმოების წინააღმდეგ, აკრძალეს რუსული სამხედრო აღჭურვილობის უცხოური კომპონენტების მიწოდება. თუმცა, იარაღის რუსი მწარმოებლები პოულობენ სანქციების გვერდის ავლის გზებს მესამე ქვეყნების, ძირითადად ცენტრალური აზიის სახელმწიფოების მეშვეობით საჭირო კომპონენტების მიწოდების მოწყობით. მაგალითად, 2023 წლის მაისში, საგამოძიებო ჯგუფის "მნიშვნელოვანი ისტორიების," OCCRP-ისა და Der Spiegel-ის ჟურნალისტებმა გაარკვიეს, რომ რუსეთის თავდაცვის ინდუსტრია და რუსეთის თავდაცვის სამინისტრო სანქციების მიუხედავად აგრძელებენ მიკროელექტრონიკისა და ჩინური თვითმფრინავების მიღებას ყაზახური კომპანიების მეშვეობით. ავტორი: ექსპრესნიუსი, ირაკლი კობახიძე - გახარიას მაგალითი არის ერთ-ერთი საუკეთესო, რომელიც აჩვენებს, რამდენად დაუშვებელია რომელიმე აგენტის ძალაუფლებასთან გაკარება
ანკარაში, ტერაქტის შედეგად. დაიღუპა ხუთი ადამიანი, დაშავდა 22
კობახიძე - დღეს ძალიან ინერვიულა მთელმა ოპოზიციამ, სალომე ზურაბიშვილმა - ინერვიულონ, ჩვენ შეგვიძლია, ცივი წყალი გავუგზავნოთ
მამუკა მდინარაძემ თბილისში, „ქართული ოცნების“ საარჩევნო კამპანიის დასკვნით ღონისძიებაზე მოქალაქეებს მიმართა
|
ომი უკრაინაშიპესკოვი - პუტინი, უკრაინის კონფლიქტის დარეგულირებასთან დაკავშირებით, BRICS-ის მონაწილეების ძალისხმევას მიესალმება
ოსტინი - უკრაინას აქვს მრავალი შესაძლებლობა, რომელიც ჩვენ მივაწოდეთ დრონების სახით - მას გამარჯვება შეუძლია
არჩევნები 2024
სადამკვირვებლო ორგანიზაციები საარჩევნო ადმინისტრაციას მიმართავენ
26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენს
ვიდეო/LIVE საქართველოს დამოუკიდებლობის დღე - პირდაპირი
ევროკავშირის 13 ქვეყანა: საქართველო ვერ გახდება ევროკავშირის წევრი, თუ კურსს არ შეცვლის
მთავარი თემა
|