2023-06-07 18:49:05, 754 ნახვა
ომი უკრაინაში
ვოლსკი კახოვკის აფეთქებაზე - ტერორისტული აქტი რომ დაარქვა გარკვეული ორგანოს გადაწყვეტილებაა საჭირო
ტერორისტული აქტი რომ დაარქვა ამას, რასაკვირველია, უნდა იყოს ამასთან დაკავშირებით გარკვეული ორგანოს მიერ მიღებული გადაწყვეტილება და არა ემოციური წამოძახება, - ამის შესახებ "ქართული ოცნებს" დეპუტატმა, გია ვოლსკიმ, კახოვკის ჰესის აფეთქებასთან დაკავშირებით განაცხადა. როგორც ვოლსკიმ აღნიშნა, კახოვკის ჰესის აფეთქება საშინელი აგრესიის აქტია, რომელიც აბსოლუტურად მოწყვეტილია ყველანაირ ჰუმანურ და სამხედრო წესების სტანდარტს. "ტერორისტული აქტი რომ დაარქვა ამას, რასაკვირველია, უნდა იყოს ამასთან დაკავშირებით გარკვეული ორგანოს მიერ მიღებული გადაწყვეტილება და არა ემოციური წამოძახება. ეს არის საშინელი აქტი, საშინელი აგრესიის აქტი, საშინელი აგრესიის აქტი, რომელიც არის აბსოლუტურად მოწყვეტილი ყველანაირ ჰუმანურ ან სამხედრო წესების სტანდარტს. აქედან გამომდინარე მიმართა საქართველომ სხვა ქვეყნებთან ერთად ჰააგის ტრიბუნალს, რაც სხვათა შორის მოლდოვას არ გაუკეთებია", - განაცხადა ვოლსკიმ. ცნობისთვის, უკრაინის შეიარაღებული ძალების სამხრეთის ოპერატიულმა სარდლობამ გუშინ, 6 ივნისს გაავრცელა ინფორმაცია, რომლის მიხედვითაც, რუსმა ოკუპანტებმა, ადგილობრივი დროით 02:50 საათზე, კახოვკის ჰიდროელექტროსადგური ააფეთქეს. მომხდარის შედეგად, ხერსონის ოლქის მარჯვენა სანაპიროზე, კრიტიკულ ზონაში, ათასობით ადამიანი აღმოჩნდა. რაც შეეხება რუსების მიერ დროებით ოკუპირებულ მარცხენა სანაპიროს, რელიეფის სიდაბლის გამო, ის კიდევ უფრო დიდი რისკის წინაშე დგას. დასახლებული პუნქტების დატბორვის საფრთხის გამო, შინაგან საქმეთა სამინისტრომ მალევე დაიწყო მოსახლეობის ევაკუაცია, რომელიც ამ დრომდე მიმდინარეობს. აფეთქებიდან პირველ საათებში წყალმა მთლიანად ან ნაწილობრივ დატბორა 8 დასახლება და ხერსონის ერთი მიკრორაიონი მარჯვენა სანაპიროზე. ჰიდროელექტროსადგურის ნგრევის გამო, მდინარე დნეპრი, სულ მცირე, 150 ტონა ძრავის ზეთით დაბინძურდა. უკრაინის მთავარმა ჰიდროენერგო კომპანია Ukrhydroenergo-მა გუშინვე განაცხადა, რომ ჰიდროელექტროსადგური, სამანქანე განყოფილების აფეთქების გამო, მთლიანად დანგრეულია და აღდგენას არ ექვემდებარება. აღსანიშნავია, რომ კახოვკის ჰიდროელექტროსადგური სამხრეთ უკრაინას ელექტროენერგიითა და სუფთა წყლით ამარაგებდა. აღნიშნული სადგური ასევე მნიშვნელოვანი იყო ზაპოროჟიეს ატომური ელექტროსადგურის მუშაობისთვის, რადგან მისი გაგრილების აუზების სიმძლავრე დამოკიდებულია დნეპრში წყლის დონეზე. რაც შეეხება აფეთქებაში რუსეთის მონაწილეობას, კრემლმა მომხდარს "დაგეგმილი დივერსიის შედეგი" უწოდა, მასში რუსი ჯარისკაცების მონაწილეობა უარყო და "დივერსიის ავტორად" უკრაინა დაასახელა. ავტორი: ექსპრესნიუსი, ჰელსინკის კომისია - საქართველოში წარმოადგინეს ნათელი მტკიცებულება, რომ არჩევნების შედეგები ქართველი ხალხის ნებას არ წარმოადგენს
ანჯეი დუდა - პოლონეთი უკრაინას MiG-29-ს რიგი მიზეზების გამო ვერ გადასცემს
ცესკო პროკურატურას მიმართავს, არჩევნების გაყალბებაზე პრეზიდენტის და ცალკეული პოლიტიკოსების განცხადებებთან დაკავშირებით გამოძიება დაიწყოს
გალანტი „ჰეზბოლას“ ახალ ლიდერზე - დროებითი დანიშვნაა, დიდხანს არ გაგრძელდება
|
ომი უკრაინაშირუსეთის თავდაცვის სამინისტრო - სამხედრო დაჯგუფება „ცენტრმა“ უკრაინის ქალაქი სელიდოვო სრულად დაიკავა
რუსეთმა ხარკოვის 3 რაიონზე საჰაერო იერიში განახორციელა - დაშავდა 21 ადამიანი
არჩევნები 2024
ცენტრალურმა საარჩევნო კომისიამ ხმების დათვლის პროცესი დაასრულა - შედეგები
ცესკოს ამერიკულმა კომპანიამ Pro V&V-მ შესაბამისობის აუდიტის პირველი ორი ფაზის შედეგები გადმოსცა
ვიდეო/LIVE საქართველოს დამოუკიდებლობის დღე - პირდაპირი
|