2023-06-06 09:33:57, 1513 ნახვა

---

ზელენსკი - ჰიდროელექტროსადგურის განადგურებით რუსი ტერორისტები მსოფლიოს ერთს უდასტურებენ - ისინი უნდა განიდევნონ უკრაინული მიწიდან

კახოვკას ჰიდროელექტროსადგურის განადგურებით რუსი ტერორისტები მთელ მსოფლიოს მხოლოდ ერთს უდასტურებენ, რომ ისინი უნდა განიდევნონ უკრაინული მიწიდან,- აღნიშნულის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, "ტერორისტები ვერ შეაჩერებენ უკრაინას ვერც წყლით, რაკეტებით და ვერც სხვა რამით".

"კახოვკას ჰიდროელექტროსადგურის განადგურებით რუსი ტერორისტები მთელ მსოფლიოს მხოლოდ ერთს უდასტურებენ, რომ ისინი უნდა განიდევნონ უკრაინული მიწიდან. მათ ერთი მეტრიც არ უნდა დარჩეთ, რადგან ყველა მეტრს ტერორისთვის იყენებენ. მხოლოდ უკრაინის გამარჯვება აღადგენს უსაფრთხოებას. და ეს გამარჯვება აუცილებლად  იქნება. ტერორისტები ვერ შეაჩერებენ უკრაინას წყლით, რაკეტებით და სხვა რამით",- განაცხადა ზელენსკიმ. 

ცნობისთვის, დღეს დილით რუსმა ოკუპანტებმა კახოვკას ჰიდროელექტროსადგური ააფეთქეს.

ხერსონის სამხედრო ადმინისტრაციის ხელმძღვანელის, ალექსანდრ პროკუდის თქმით, დაწყებულია ადგილობრივი მოსახლეობის ევაკუაცია, ვინაიდან წყალი კრიტიკულ დონეს 5 საათში მიაღწევს და მაღალია სხვადასხვა ქალაქის დატბორვის რისკი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი