2023-05-31 13:00:29, 1637 ნახვა
მსოფლიო
EU არაწევრ ქვეყნებთან უვიზო მიმოსვლის შეჩერების მექანიზმის გამკაცრებას გეგმავს
ევროკავშირი გეგმავს, ორგანიზაციის არაწევრი ქვეყნებისთვის, რომლებიც უვიზო რეჟიმით სარგებლობენ, უვიზო მიმოსვლის შეჩერების მექანიზმი გაამკაცროს. ამის შესახებ საუბარია დოკუმენტში, რომელსაც ევროკომისია აქვეყნებს.
როგორც დოკუმენტშია აღნიშნული, ევროკომისია ევროპარლამენტთან და ევროკავშირის საბჭოსთან ერთად დაიწყებს კონსულტაციებს საიმისოდ, რომ განსაზღვროს, როგორ გააუმჯობესოს უვიზო რეჟიმის შეჩერების მექანიზმი.
ევროკომისია უთითებს, რომ ევროკავშირის წევრი და მესამე ქვეყნებისთვის უვიზო რეჟიმს მნიშვნელოვანი ეკონომიკური, სოციალური და კულტურული სარგებელი მოაქვს, თუმცა უსაფრთხოებისა და მიგრაციის კუთხით მნიშვნელოვანი გამოწვევების შექმნა შეუძლია.
ავტორი: ექსპრესნიუსი,
epn.ge (@expressnews.ge)
