ევროკავშირის ელჩმა ამ ქმედებით მორიგი შეცდომა დაუშვა,- ასე გამოეხმაურა „ქართული ოცნების“ დეპუტატი ირაკლი ზარქუა საქართველოს მიმართ, ევროკავშირის 27 ქვეყნის მიერ გამოცხადებულ დემარშს.

ზარქუას თქმით, ევროკავშირის ელჩების მხრიდან ეს უკვე მეორე დემარშია და ამ ქმედებებს, სავარაუდოდ, "ერთი დირიჟორი ჰყავს".

„ევროკავშირის ელჩმა ამ ქმედებით მორიგი შეცდომა დაუშვა. იმიტომ, რომ იცით, ეს დემარში ნომერი ორია. პირველს შეგახსენებთ, როდესაც სააკაშვილთან დაკავშირებით ხელი მოაწერინეს ელჩებს. არ ვიცი, სავარუდოდ ერთი დირიჟორი ჰყავს ამ ქმედებებს.

პირველი დემარშის შედეგად რა მივიღეთ, სტრასბურგის სასამართლომ რა თქვა - სააკაშვილი არც მოწამლული არისო და არა თუ ქვეყნიდან გაყვანა, არამედ კლინიკიდან კლინიკაში გადაყვანის საფუძველიც არ არსებობსო. ანუ [სტრასბურგმა] ამით ის პირველი დემარში გააქარწყლა და თქვა, რომ „აზრზე მოდით, შეცდომაში ხართ შეყვანნილიო“,- განაცხადა ზარქუამ.

ცნობისთვის, გუშინ 29 მაისს, ევროკავშირის 27-მა ქვეყნამ საქართველოს მთავრობას რუსეთთან პირდაპირი ფრენების აღდგენასთან დაკავშირებით ერთობლივი დემარში გამოუცხადა.

როგორც საქართველოში ევროკავშირის ელჩმა, პაველ ჰერჩინსკიმ, ეკონომიკის მინისტრ ლევან დავითაშვილთან შეხვედრის შემდეგ განაცხადა, რუსეთთან ფრენების აღდგნის გადაწყვეტილება ევროკავშირის 27-ვე ქვეყნის ერთობლივ მოწოდებას ეწინააღმდეგება. 

მიმდინარე წლის 10 მაისს, ვლადიმერ პუტინმა 2019 წლის 21 ივნისს საქართველოსთან პირდაპირი ფრენების შეწყვეტის შესახებ გაცემული ბრძანება გააუქმა. საქართველოს მოქალაქეებისთვის ასევე გაუქმდა სავიზო რეჟიმი. გადაწყვეტილება ძალაში 2023 წლის 15 მაისიდან შევიდა. კიდევ ერთი გადაწყვეტილება, რომლის შესახებაც რუსეთმა გამოაცხადა, „საქართველოში მოგზაურობისგან თავის შეკავების რეკომენდაციის“ გაუქმებას გულისხმობდა.

პირდაპირი ფრენების აღდგენის გადაწყვეტილებიდან ხუთ დღეში, საქართველოს სამოქალაქო ავიაციის სააგენტომ პირდაპირი რეისების განსახორციელებლად პირველი ნებართვაც გასცა. 15 მაისს, ფრენების შესრულების ნებართვა რუსულმა ავიაკომპანია Azimuth Airlines-მა 17 მაისიდან, კვირაში 7 სიხშირით მიიღო. 19 მაისს, შოთა რუსთაველის თბილისის საერთაშორისო აეროპორტში რუსული ავიაკომპანია Azimuth Airlines-ის კუთვნილი თვითმფრინავი დაეშვა. 

აღსანიშნავია, რომ სამოქალაქო ავიაციის სააგენტომ, რომელიც ირწმუნება, რომ Azimuth Airlines-ი ევროკავშირის შავ სიაში არ იმყოფება, რუსეთ-საქართველოს შორის პირდაპირი რეისების შესასრულებლად, 16 მაისს თბილისი-მოსკოვი-თბილისის მიმართულებით რეგულარული ოპერირების განხორციელებისთვის ავიაკომპანია Georgian Airways-სთვის კიდევ ერთი ნებართვა გასცა.

19 მაისს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-იც დაიწყებს.

ავტორი: ექსპრესნიუსი,

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას