აფხაზეთის თვითგამოცხადებული რესპუბლიკის მარიონეტმა საგარეო საქმეთა მინისტრმა ინალ არძინბამ შეშფოთება გამოთქვა სომხეთის პრემიერ-მინისტრის ნიკოლ ფაშინიანის განცხადებასთან დაკავშირებით, რომ მზადაა მთიანი ყარაბაღი აზერბაიჯანის ნაწილად აღიაროს.

„რამდენიმე წლის წინ ასეთ რამეს ვერ წარმოვიდგენდით, რომ სომხეთის პრემიერ-მინისტრი ასე ეთქვა. სხვათა შორის, სომხეთში ბევრმა ეს უარყოფითად მიიღო. ჯერ კიდევ 1992 წელს სომხეთის უზენაესმა საბჭომ მიიღო დადგენილება, რომლის მიხედვითაც, ნებისმიერი საერთაშორისო სახელმწიფოთაშორისი დოკუმენტი ან შიდასამართლებრივი აქტი, სადაც მთიანი ყარაბაღი აღიარებულია აზერბაიჯანის ტერიტორიად, მიუღებელია სომხეთის რესპუბლიკის ტერიტორიაზე აღსასრულებლად. ანუ გამოდის, რომ პრემიერ-მინისტრ ფაშინიანის განცხადება ეწინააღმდეგება სომხეთის უმაღლესი საბჭოს გადაწყვეტილებას“, - განაცხადა არძინბამ აფხაზური ტელევიზიის ეთერში.

მან ფაშინიანის სიტყვებს "უპრეცედენტო მოვლენა" უწოდა და დასძინა, რომ ახლა "ძალიან მკაცრი გეოპოლიტიკის ეპოქაა".

„ის რაც მოხდა მთიან ყარაბაღთან არის გეოპოლიტიკური კონსენსუსის შედეგი. იმ დროში, რომელშიც ჩვენ ვცხოვრობთ, მართლაც შედეგები შეიძლება იყოს საკმაოდ ტრაგიკული. და რაც მოხდა მთიან ყარაბაღში არის ტრაგედია, თუ გახსოვთ რამდენი ბავშვი დაიღუპა და რა შედეგი მოჰყვა ამას“, - დასძინა მან.

როგორც უკვე გავრცელდა ინფორმაცია, ნიკოლ ფაშინიანმა განაცხადა, რომ ერევანი მზად არის აღიაროს აზერბაიჯანის ტერიტორია, მათ შორის მთიანი ყარაბაღი. უახლოეს მომავალში ორი ქვეყნის ლიდერებმა შესაძლოა სამშვიდობო ხელშეკრულებას მოაწერონ ხელი. ამასთან, არაღიარებული მთიანი ყარაბაღის რესპუბლიკის პრეზიდენტმა განაცხადა, რომ „არცახი არ იყო და არც იქნება აზერბაიჯანის შემადგენლობაში“.

აღსანიშნავია, რომ მთიანი ყარაბაღის რესპუბლიკა აღიარებულია მხოლოდ თვითგამოცხადებულ რესპუბლიკებად - აფხაზეთი, სამხრეთ ოსეთი, პრიდნესტროვის მოლდოვის რესპუბლიკა.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"