2023-05-29 22:27:47, 531 ნახვა
მსოფლიო
ილჰამ ალიევმა ყარაბაღის ე.წ ლიდერს დანებება შესთავაზა, ე.წ პარლამენტს და მინისტრებს ამინისტია
აზერბაიჯანის პრეზიდენტმა ილჰამ ალიევმა შესთავაზა არაღიარებულ მთიანი ყარაბაღის რესპუბლიკას „დაუმორჩილებდეს აზერბაიჯანის კანონებს“, ხოლო ყარაბაღის ლიდერს არაიიკ ჰარუთუნიანს დანებება შესთავაზა „ვითომ არის მოქმედი პარლამენტი, ვითომ არის პრეზიდენტი, მინისტრი, ეს ყველაფერი სასაცილოა. ჩვენ უბრალოდ მოთმინება გვაქვს. მიუხედავად იმისა, რომ ყველამ კარგად იცის, რომ დღეს ჩვენ გვაქვს ყველა შესაძლებლობა ამ რეგიონში განვახორციელოთ ნებისმიერი ოპერაცია. ამიტომ, პარლამენტი უნდა დაითხოვოს, ელემენტმა, რომელიც საკუთარ თავს პრეზიდენტს უწოდებს, უნდა დანებდეს, ყველა მინისტრმა, მოადგილემ და სხვამ უკვე უნდა დატოვოს თანამდებობები. მხოლოდ ამ შემთხვევაში შეიძლება დათმობაზე წასვლა. მხოლოდ ამ შემთხვევაში შეიძლება ვისაუბროთ რაიმე სახის ამნისტიაზე“, - განაცხადა ალიევმა ქალაქ ლაჩინში დაბრუნებულ მოსახლეობასთან შეხვედრაზე. აზერბაიჯანის პრეზიდენტი ამბობს, რომ ყარაბაღის სომეხი მოსახლეობის წარმომადგენლები ბაქოში ორჯერ იყვნენ მიწვეული და "მესამე მოწვევა არ იქნება". „ჩვენ იქ დელეგაცია გავგზავნეთ. ჩემმა წარმომადგენელმა მათთან პირველი შეხვედრა იქ გამართა, რის შემდეგაც ბაქოში მოვიწვიეთ - მობრძანდით, ვილაპარაკოთ. მათ უარი განაცხადეს. ამის შემდეგ ისინი მეორედ მოვიწვიეთ ბაქოში. ანუ ყარაბაღში მცხოვრები სომხური უმცირესობის წარმომადგენლები. ამაზეც უარი თქვეს. მესამე მოწვევა არ იქნება. ან თვითონ მოვლენ თავმდაბლად, ან მოვლენები სხვა მიმართულებით განვითარდება. ამიტომ, მათ შეუძლიათ ამნისტიის ქვეშ მოექცნენ მხოლოდ იმ შემთხვევაში, თუ ისინი ნებაყოფლობით დატოვებენ ყველა ფიქტიურ თანამდებობას და მიმართავენ აზერბაიჯანის მოქალაქეობას“, - დასძინა მან. ალიევი ასევე ამბობს, რომ საზღვრების დელიმიტაცია უნდა მოხდეს აზერბაიჯანის პირობებით, „ანუ სამართლიანი პირობებით“ და სამშვიდობო ხელშეკრულება „საერთაშორისო პირობებზე უნდა იყოს დაფუძნებული“. მისი თქმით, „გზა უნდა გაიხსნას“ ნახიჩევანის ავტონომიისკენ. ავტორი: ექსპრესნიუსი, ჰელსინკის კომისია - საქართველოში წარმოადგინეს ნათელი მტკიცებულება, რომ არჩევნების შედეგები ქართველი ხალხის ნებას არ წარმოადგენს
ანჯეი დუდა - პოლონეთი უკრაინას MiG-29-ს რიგი მიზეზების გამო ვერ გადასცემს
ცესკო პროკურატურას მიმართავს, არჩევნების გაყალბებაზე პრეზიდენტის და ცალკეული პოლიტიკოსების განცხადებებთან დაკავშირებით გამოძიება დაიწყოს
გალანტი „ჰეზბოლას“ ახალ ლიდერზე - დროებითი დანიშვნაა, დიდხანს არ გაგრძელდება
|
ომი უკრაინაშირუსეთის თავდაცვის სამინისტრო - სამხედრო დაჯგუფება „ცენტრმა“ უკრაინის ქალაქი სელიდოვო სრულად დაიკავა
რუსეთმა ხარკოვის 3 რაიონზე საჰაერო იერიში განახორციელა - დაშავდა 21 ადამიანი
არჩევნები 2024
ცენტრალურმა საარჩევნო კომისიამ ხმების დათვლის პროცესი დაასრულა - შედეგები
ცესკოს ამერიკულმა კომპანიამ Pro V&V-მ შესაბამისობის აუდიტის პირველი ორი ფაზის შედეგები გადმოსცა
ვიდეო/LIVE საქართველოს დამოუკიდებლობის დღე - პირდაპირი
|