საქართველოს სიტუაცია არ შეიძლება განხილული იყოს იგივე კონტექსტში, როგორც სხვა ქვეყნების მდგომარეობა, - ასე გამოეხმაურა ვიცე-პრემიერი და ეკონომიკის მინისტრი ლევან დავითაშვილი ევროკავშირის 27 ელჩის დემარშს.

როგორც დავითაშვილმა აღნიშნა, საქართველოს განსაკუთრებით რთული მდგომარეობა გააჩნია, ვინაიდან ქვეყანას აქვს პირდაპირი საზღვარი რუსეთის ფედერაციასთან და ტერიტორიის 20% არის ოკუპირებული, აქედან გამომდინარე საქართველოს კონტექსტი ევროკავშირის წევრი ქვეყნების კონტექსტისგან განსხვავდება.

"ევროკავშირის ელჩის განცხადება ჩვენი შეხვედრის შემდეგ. ჩვენ გვქონდა ძალიან ღია, გულწრფელი დიალოგი იმ საკითხებზე, რომელიც ევროკავშირის წევრი ქვეყნებისთვის დღეს აქტუალურია. თქვენ იცით, რომ ევროკავშირის წევრმა ქვეყნებმა გამოთქვეს თავისი მოსაზრება საქართველოში ფრენების აღდგენასთან დაკავშირებით და ზუსტად ეს იყო ძირითადი განხილვის საგანი. ჩვენ ზოგადად არსებულ გეოპოლიტიკურ ვითარებაზე ვიმსჯელეთ.

ვიმსჯელეთ იმაზე, რომ საქართველოს მდგომარეობა, საქართველოს სიტუაცია არ შეიძლება განხილული იყოს იგივე კონტექსტში, როგორც სხვა ქვეყნების მდგომარეობა. საქართველოს განსაკუთრებით რთული მდგომარეობა გააჩნია - საქართველოს აქვს პირდაპირი საზღვარი რუსეთის ფედერაციასთან და საქართველოს ტერიტორიის 20% არის ოკუპირებული. ასე რომ, საქართველოს კონტექსტი განსხვავდება ევროკავშირის წევრი ქვეყნების კონტექსტისგან და ამაზე ღია საუბარი იყო ევროკავშირის წევრი ქვეყნების წარმომადგენლებთან, ელჩებთან. ვფიქრობ, რომ ძალიან ბევრი ელჩისთვის აბსოლუტურად გასაგები და ლოგიკურია. 

ჩვენ ასევე შევეხეთ ზოგადად ამ გეოპოლიტიკურ ვითარებაში სანქციების აღსრულების და შესრულების საკითხებს. მათ შორის იმაზე, რომ ჩვენ გვექნება დამატებით სამი ახალი დაკავშირების პუნქტი რუსეთის ფედერაციასთან. დღეს იცით, რომ ძირითადი საზღვარი გვაქვს ლარსით და აქ ხდება საბაჟო კონტროლი მკაცრად და ამას ყველა ხაზს უსვამს, რომ საქართველო არის სანდო, საიმედო პარტნიორი საერთაშორისო თანამეგობრობის სანქციების აღსრულების პროცესში. თუმცა ახალი სამი დაკავშირების პუნქტი თბილისის ქუთაისისა და ბათუმის აეროპორტებში. აქ ჩვენი მხრიდან რა თქმა უნდა არსებობს მზა პოზიცია რაც საბაჟო შესაძლებლობებს ზრდის და ისევე როგორც უმაღლეს დონეზე ხდება სანქციების აღსრულება ლარსის საბაჟო გამშვებ პუნქტზე, ასევე იქნება დამატებითი საბაჟო კონტროლი ამ აეროპორტებშიც - ესეც ძალიან მნიშვნელოვანი ინფორმაციაა, რომელიც ევროკავშირის წევრი ქვეყნების ელჩებს გავუზიარეთ. 

ასევე ვისაუბრეთ იმაზე, რომ ცალსახა არ არის პოზიციები დღეს ევროკავშირის წევრი ქვეყნების მხრიდანაც სავაჭრო ურთიერთობებთან დაკავშირებით ზოგადად და ჩვენთვის ძალიან საინტერესო იყო, თუ როგორია პროგნოზი, როგორი იქნება მომავალში დამოკიდებულება სავაჭრო ურთიერთობებთან დაკავშირებით", - განაცხადა დავითაშვილმა.

ავტორი: ექსპრესნიუსი,

სოციალური ქსელები

მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს

კრამონი - ივანიშვილი ცდილობს საქართველოში „რუსკი მირი“ დაამყაროს

ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ

კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს