2023-05-26 14:11:12, 1010 ნახვა
პოლიტიკა
კრამონი - ევროკავშირი გააგრძელებს თქვენს გვერდით დგომას დამოუკიდებლობის სრულად მიღწევამდე
გერმანელი ევროპარლამენტარი ვიოლა ფონ კრამონი საქართველოს დამოუკიდებლობის დღეს სპეციალური ვიდეომიმართვით ულოცავს.
როგორც კრამონი ამბობს, ევროკავშირი საქართველოს გვერდში დგომას დამოუკიდებლობის სრულად მიღწევამდე გააგრძელებს.
"გილოცავ, საქართველო! დამოუკიდებლობის აღდგენიდან 32 წელი გავიდა. როგორც საქართველოს დიდი მეგობარი და დიდი გულშემატკივარი, ჩვენ შეგვიძლია მხოლოდ ტაში დაგიკრათ და მოგილოცოთ.
ევროკავშირი გააგრძელებს თქვენს გვერდით დგომას დამოუკიდებლობის სრულად მიღწევამდე. ეს არ არის ადვილი იმ დროს, როდესაც შინაგანი და გარეგანი საფრთხეები საქართველოს კვლავ სხვა (რუსეთის) მიმართულებით უბიძგებენ, მაგრამ თქვენ შეგიძლიათ დარწმუნებულები იყოთ, რომ ჩვენ ევროპის პარლამენტში გავაგრძელებთ თქვენს მხარდაჭერას ევროპისკენ მიმავალ გზაზე. გილოცავთ!"- ამბობს კრამონი ვიდეომიმართვაში.
ავტორი: ექსპრესნიუსი,
epn.ge (@expressnews.ge)
