ამერიკის შეერთებული შტატების სახელმწიფო მდივნის ყოფილი მოადგილის, დევიდ კრამერის განცხადებით, რუსეთის ფედერაციის მიერ ჩადენილი ომის დანაშაულები და პრეზიდენტ ვლადიმერ პუტინის დაკავების ორდერი ქართველ ოფიციალურ პირებს "მოსკოვის მიმართულებით სვლაში ხელს არ უშლის".

როგორც კრამერმა "ამერიკის ხმასთან" საუბრისას აღნიშნა, "ქართული ოცნება" შექმნილ ვითარებაში რუსეთთან "ახლო კავშირს ამყარებს.

"დემოკრატიულ სამყაროში, ყველა ქვეყანას არ შეუძლია, რომ სანქციებს შეუერთდეს. მოლდოვას მაგალითად, რუსეთისთვის სანქციები არ დაუწესებია, მაგრამ მოლდოვამ ასევე ძალიან ძლიერი კავშირი დაამყარა დასავლეთთან მაშინ, როდესაც ჰქონდათ იმის შიში, რომ რუსეთი გარკვეულ პროვოკაციებს მოაწყობდა მოლდოვაში.

"ქართული ოცნება", ახლო კავშირებს ამყარებს [რუსეთთან] იმ პერიოდში, როდესაც ვხედავთ რუსეთის ომის დანაშაულებს, კაცობრიობის წინაშე ჩადენილ დანაშაულებს, გენოციდს. გარდა ამისა, ვნახეთ, რომ ადამიანის უფლებათა საერთაშორისო სასამართლომ თავად ბატონი პუტინის დაკავების ორდერიც კი გასცა. მიუხედავად ამისა, როგორც ჩანს, ეს არ აჩერებს ქართველ ოფიციალურ პირებს [რუსეთის] მიმართულებით სვლაში",- განაცხადა კრამერმა.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო